今日一起身食完面就開始做功課~做做做~
做到6點幾咁上下~
家姐話佢要同姑姐出去食飯~
叫我自己搞掂~
本身想煮個面食算,
但係又突然心血來潮想玩煮飯仔...
所以今日就自己煮飯食..!
原來煮飯真係幾好玩~~
唔怪之得d小朋友咁鍾意玩煮飯仔~
煮左兩味餸~
首先係三文魚~!
未熟既~
跟住開始煎~0.0
加左d cheese落去~
再加左d香粉~
煎好了~!
幫佢改個名,
叫芝士香粉煎三文魚~!XD
跟住到第2味~~
首先將d苟菜皇花唔知有冇打錯字~=.=)切開一份份~
再打3隻蛋~加小量牛奶落去~
因為加少少牛奶落d蛋到會滑d~!
跟住將d香腸切粒~
呢張相係咪令人聯想到d好搞笑既野...haha~
炒囉~!扔左d苟菜同栗米粒落去炒~
跟住倒埋d蛋同腸仔粒~~
要用不屈不撓既精神, 無限耐心去用中火~慢火慢慢炒....
炒好了~!
呢堆就係我今晚餐飯~!XD
開餐~!XD
幾滿意~!
因為我自己覺得幾好味~!
唔怕淡唔怕太鹹又唔怕唔夠熟同太熟~
我知阿媽佢會要我阿妹開我個blog比佢睇,
所以我想特意o係到同阿媽講~
我識自己照顧自己架喇~!
如果你唔介意我煮d野食唔係好清淡戈d~
我summer番到澳門願意成日煮比你食~~haha~
雖然煮野食係好玩,
不過洗野有排洗~..= =
------------------------------------------------
尋日又比家姐強迫我拖地!
有圖為證,
廢事阿媽同老豆成日以為我冇幫手做家務!=.=
------------------------------------------------
我成日要求人地人去改變,
但我好少會諗下自己有冇需要去改變~= =
因為我成日都會覺得我就係我自己,
我從來唔會為任何人去改變自己,
只會為自己而改變~
有朋友食煙,我會希望佢戒~唔好食~
有朋友成日飲酒,
我會希望佢唔好成日飲咁多~
有朋友好自戀,
我會想佢唔好咁自戀,
有朋友成日都好唔理人感受,
我會希望佢試下企o係人地角度去諗下~
有朋友外形唔討好,
我會好希望佢去改變,
為左自己去變好睇變靚仔靚女,
有朋友冇膽,
我會希望佢變得勇敢d,
有朋友個膽大過頭,
我會希望佢收斂下...
有朋友唔讀書,
我會希望佢努力d讀書...
相反~
有人想我成熟d,
我一樣咁幼稚~
有人想我唔好咁偏激,
我一樣咁偏激~
有人想我唔好講野咁直接,
我都係一樣諗到乜就講乜,
有人想我女仔d,
我一樣成個男仔頭咁~
好自私啊可?
我自己就成日想人去改,
但我自己就唔會去改~
可能身邊已經有人覺得我煩,
成日叫佢地唔好乜乜乜,唔好物物物...
但係我希望你地知道,
我想你地改既野,
都係為左你地好..
如果有人真係覺得我煩~
可以直接同我講,我最多以後咩都唔講~= =
我知我o係好多人眼中都係幼幼稚稚咁~
好多人都話過我長唔大咁,
外形已經唔似就黎20歲既人,
內在更加唔似...~= =
Robert sir好耐之前都話過我,
叫我大個少少~諗野唔好再咁細路,
但係我個心仲停留o係高中時代戈陣咁~=.=
因為高中係我目前為止過得最開心既時候...
所以我成日無時無刻都會諗住以前既野~
死啦~
再係咁我會唔會好似我嫲嫲咁老人痴呆架~=.=...
我都想成熟d,
但係心入面好似硬係有d野阻止住自己唔好長大咁...
唔識點講了...唔打喇~!byes~!
