尋日同左慈人~仲有我地熱浪既去唱k~

(不過熱浪既計埋我得3個~ha~=.=)

ww狗又話黎~!最後都係淆底囉!~.~

我9點幾就上左去囉k房~跟住自己o係間k房入面唱左大半個鐘...

爽~!!!

之後Carla同virgin都黎左~

班慈人+Veron+Andrew排完戲都黎了~

之後就唱歌~玩骰盅咁~

我發明左一樣新既飲品~!

就係綠茶溝啤酒...!(簡稱綠啤...)

我真係覺得ok wo~!幾好飲丫!~

係杯野睇落好混濁咁姐...

咪姐係同我一樣囉~睇落去好唔掂~

但其實好有內涵...

hahaha~~

 

之後差多兩點~

我地決定唔飲酒,

健康d...

輸左就玩真心..

雖然一聽落好似好無聊咁!=.=

但係一開始玩真係好好玩囉~!

細峰狂輸~係咁比我地做佢...

但係佢都好合作咁~好尊重呢個懲罰!

比10個good佢!

不過呢~!尋晚問戈d所謂真心問題~

戈到講戈到散好喇~

大家唔好講出去~=.=

亦都唔好睇得咁認真啦~

始終有好多野都係迫不得已既...= =

 

大約3點幾差唔多4點就番屋企喇~

有史以黎第2次玩到咁夜~ha~=.=

 

_______________________________

我覺得,

有時屋企人比起朋友更唔講信用,

尋日明明講好左,

如果我自己草到機票錢,

出年就可以再番黎~

如果有幸草到兩張機票錢~

我幫我阿妹出埋機票錢比佢番黎見下d同學仔又點話...

我係好錫我阿妹架,

雖然我成日玩佢~但都係因為佢好玩我先玩佢...=.=

其實我骨子裡都唔知幾錫佢!

 

點知有人又唔知講左咩黎啦~

搞到d人又轉哂軚...

真係覺得好黑人憎!好討厭!!!

 

你玩哂啦e+~!你講咩~全屋企都聽哂你講!

ok fine~!你嬴哂囉~!成個澳門都係你既!

 

 

 

如果要我放棄哂澳門所有野...

我寧願唔去外國讀書..

 

有好多野,

我都只係可以擺o係個心入面唔講出黎..

因為呢d係屋企既私事,

我唔可以隨便同人講..

 

有人同我講,

我去得外國讀書,

就唔可以再諗澳門d野,

要放棄哂澳門所有野,

所有事物,

包括我所有既朋友!舊同學!開心既回憶!

 

如果係咁既話,

我寧願唔去外國讀書!

或者你會話我眼光短,

唔識放遠d黎睇~

但係我覺得!就算將來我達到左我既目標...

我完成到我既理想,

但就失去左一班我好珍惜既朋友...同學

放棄一個我o係呢到出生,o係呢到長大既地方...

就算比我做左總統又點?

我都係孤伶伶一個,

因為我已經放棄左人生入面其中一樣最重要既野...

就係友情!

 

我唔知我咁諗有冇錯...

以前我會諗,

我既理想係做一個好top既fashion designer,

呢句亦到係我由一開始就成日掛o係嘴邊既一句野..

以前唔識諗,

會成日話為左可以做到fashion designer會不顧一切..

但係人大左,

諗野始終會唔同..!

我既理想,

係希望可以有自己既一個品牌,

有一間自己既Boutique,

入面賣既都係我自己既design~!

希望可以越來越做得好,開分店...

越做越大~最後知名度越黎越高~!

分分鐘可以疑到Karl Lagerfeld留意到我呢個人既存在~

跟住我就可以入Chanel做~!

但係呢一切一切,

我希望可以同朋友同同學一齊分享,

我唔想因為自己只為實踐理想,

而放棄哂d朋友...

就算我將來做到幾成功都好~

我都一定會後侮我曾經選擇為左理想放棄左友情!

時間真係冇得番轉頭...

我唔想令自己後悔一世...

始終覺得..中學時代識既所有朋友,

先係最真心最難得的...~

我想既,

係希望可以同大家一齊努力,一齊實踐自己理想~!

 

學慈人話齋~

「We have a dream!」

你有權去要求我去跟你既計劃行,

但我亦都有選擇既權利架!

你唔可以迫我放棄哂對我黎講好重要既野!

 

如果我之後自己賺到機票錢,

你都冇權阻止我番黎探番我d朋友!

 

最多咪一拍兩散!

你唔好諗住要脅我呢招仲有用!

反正3姊妹入面總有最差既一個~

咪等我成為最差戈個囉~

起碼我對得住自己,

唔係遺背自己既良心去做決定!

 

唔打喇~!byes!

____________________________________

8月7日下午4點30分~
終於解決左一件煩事...
一個連我個blog都唔會睇既人,
憑咩話自己對我有幾真心有幾認真?
憑咩講咩哂咩會努力去了解我之類既野?
唔好又講埋哂咩冇比機會你之類既野,
一個唔理人地感受淨係識得煩住人既人,
憑咩話係人地傷害緊你?
錯不在我~
我自問冇比過任何希望同幻想你~
我早係一開頭已經拒絕左你,
你約我我都冇應承,
係你自己keep住要咁樣,
我冇錯,唔該你唔好成日淨識o係到做到自己最慘~
跟住其他人就會以為我衰哂~
你唔好以為你有一個比人地慘既過去同背景,
就做咩都岩哂講咩都岩哂,
比你更慘既人大有人在!
最憎人口花!睇樣!煩!唔理人感受!hard sell自己!
成日狂講自己有幾慘!做左咩好事又係咁講!覺得自己岩哂等等...
你樣樣齊哂,你自己有冇檢討過自己有冇問題?

我自問我對朋友都好好,
只有真心將我當朋友既先會明白我點解會咁做,
你唔明,證明你根本冇囉過個心出黎去分析~
樣樣野都淨係識以自己為先,
所以你以為自己係最慘~
你根本冇企o係人地立場諗過,
又點會明白人地既感受!?
你以為地球係只為你而轉?

我講過~我唔你你想像中戈種女仔,
我諗我地連做朋友都唔係好適合,
講完,byes~