好耐冇打日記啦,今日就打番啦......不過之前果d事,發生左d乜都唔記得哂lu......唉...呢幾日勁灰囉,英文又唔合格,hist又唔係最高分,真係好想打自己囉,點解要對住部電腦溫書呢,科科都低過人,個個都好過我,我點解會咁架...天呀/.\...............最灰都係尋日同今日,尋日真係唔多想再提啦,上maths堂都好地地,落堂果時miss張隻眼紅哂,我地都知咩事啦,佢叫我地好好讀書,跟住就喊左出黎啦,我果時都好想喊架,但係唔可以咁樣架嘛,男仔係要堅強d架...真係好唔想miss張走囉,不過我一定唔會唔記得你架,你教左我2年,雖然有時覺得你好煩,但係我真係好唔捨得你呀><......佢地話夾錢送野俾miss張喎,我就冇咩所謂,夾就夾囉.....上phy堂果時佢地走過黎鋤大d,點知隻粉腸miss梁左入黎,俾佢見到係度玩俾佢捉鬼左出去,真係勁唔鋸囉,不過lawrence果句不知道真係好正@@...最後乜都冇事,淨係打電話同罰企,早知要缺點好過啦...因為番到屋企狂俾我老豆同老母鬧我,鬧到我咩咁,真係好想鬧爆佢...之後熙,阿7,聰,國上左黎煲機,佢地真係打極都唔攰=.=,我打左一陣都已經想死...又悶又冇挑戰性...因為同佢地打我一定贏^^v...到左夜晚...睇波啦,德國對阿根庭呀,上半場悶到想死,下半場入波啦,我以為阿根庭會贏架啦,點知俾人追番,重要射12碼輸,唉...點解列文可以咁勁,救左2球12碼...完場果時軒斯想走埋去打比亞苛夫,如果我係軒斯我一定打左佢啦,佢咁串咀,經過一輪混戰之後,個個都走哂,得番德國班粉腸係度,我都冇心機睇啦,走左去熄電視,訓覺lu......
今朝起身,都成10點半,個頭好似10號颱風咁,我同佢地講去天水圍游水點知佢地又唔俾,我就炆到差唔多整壞左度門,差d甩左出黎...跟住理都冇理過佢地,自己係間房打機打左差唔多5,6個鐘,成個人都傻哂,5點幾果時老婆打黎話上黎,所以我勁開心咁等緊,點知過左一陣一個壞消息黎左,佢地竟然唔上呀 囧<====我果時個樣就係咁,勁o咀,話左上黎又唔上,所以落左去踢波發洩,點知又整親舊患,又整到隻腳腫左呀,唔要豬腳呀...番到黎成個散哂,好彩有mama果d愛心扒食,宜家好精神呀,今晚一定支持英格蘭呀,加油加油!!!!