↖╬◆×°§Cｈaｎgｅ-最終幻想§★□◆↖

tf00307237 : 個人主頁 - 相簿 - 訂閱 [ QOOZA - 論壇 - 登入 ]

tf00307237

暱稱：沒有
性別：男
國家：香港
地區：西貢區

MORE...

最近沒有訪客

日誌統計

文章總數： 212

留言總數： 51

今日人氣： 13

累積人氣： 3495

站內搜尋

RSS 訂閱

2007 年 4 月 1 日星期日

在街上遇見的五個熟人(好似個本在天堂遇見的五個人-_-'')第2集

分類: 未分類

琴日無打既3月31日既日記今日打返，講返今日先，今日揀左第2個時間出門口，唔想再撞熟人，揀左12:00，即係慢慢行去商德，一去到個電梯旁邊，又見到個熟人，今次又係扮cool唔出聲，佢係邊個?佢當然係[你]同學，咩話？估唔到？估唔到請睇1，然後睇2。估到？勁！！！請睇2

1.答案係Renee

2.接返上兩段講既野，見到Renee穿黑灰間條杉，左面有髮夾，無束起頭髮(點解我會記得咁仔細？因為出街順便學觀察，所以有記底，而且講俾你聽，我一出街，撞到熟人既機率係25%!!，都幾高下- -)，跟住見到佢同一個女人一齊，應該係佢既母親，記得看過一眼，但唔記得了，佢就係我前面，150cm…120cm…100cm…70cm…眼看我同佢越黎越近時(唔記得同你講佢係遠處仲未發覺到我)，突然心想，我就黎個公平測試，假設：我唔出聲，佢一定見唔到我，當我同佢接近5cm時，佢真係見唔到，終於大家擦身而過，跟住假設成功- -，跟住無轉身睇佢，反而心想：睇到佢個陣時，佢既頭轉向佢自己既右面15-25度，我係佢左面，結果顯示e個係角度問題，跟住去左OK買野，又再出黎，又撞到熟人，今次e個係小學同學，你都唔識，廢事作介紹，又係見唔到我，跟住就返home。跟住總結一句，時運低，唉……講完，夜晚可能會再加返夜晚既所見所聞，待續……

P.S精彩既話，請留下言，留言都只係曬你3分鐘，唔該曬！！

發表時間：2007-04-01 01:30 PM [ 訪客留言(0) ] [ 編輯日誌 ] [ 分享至FACEBOOK ]

2007 年 3 月 31 日星期六

在街上遇見的五個熟人(好似個本在天堂遇見的五個人-_-'')第1集

分類: 未分類

今日太忙，無寫到日記，留左係4月1日先寫講返琴日D野先，今日呀爸下午去左睇馬，叫我買午餐，仲要係下午茶餐，講個時係岩岩好12:00，要等2個鐘，即係下午2:00，跟住去左訓覺，點知2:30先起身，本能上應該快速換杉然後跑去買，但係我選擇等，基於星期6,日成日都係我幫我呀爸買下午茶餐，所以都有少少經驗-_-''(我先至唔想要E D無用既經驗)，跟住一等等到3:00先買，因為2:30去買既話，一定好多人，要等成15-20分鐘，3:00去就只係等5-10分鐘，跟住買完就走出商德商場，見到前面有3個女仔，由我既左面數起就係穿唔記得係白色定灰色杉既奚浩欣，中間個個就係同林家揚有不尋常關係既余莉莉(穿黑色杉，既襯佢- -)，右面就係穿灰色外套既靜樺妹，正當我同佢地既距離越黎越接近時，我本能地行快左3步(真係3步，無多無少)，跟住避開左，你去到度，一定問點解我要避開，我會答你，我鐘意唔俾人知我既存在，我比較鐘意個種我在暗人在明的感覺，同埋唔想講咁多野，驚一開口就串人，跟住禍從口出，星期一返唔到黎學校……夜晚睇火影，鳴門終於好似基拉咁爆SEED，呀白最後都俾鳴門拉出鏡，跟住俾人揪- -。

P.S今次主要講撞熟人- -

發表時間：2007-04-01 01:17 PM [ 訪客留言(0) ] [ 編輯日誌 ] [ 分享至FACEBOOK ]

2007 年 3 月 30 日星期五

與睡魔抗爭的6小時+壞習慣+iPod shuffle???	分類: 未分類
真抱歉！琴日無打日記，琴日夜晚狂溫書，溫到1點先訓，跟住4點半起身，無精神上堂/.\，開始有黑眼圈-__-''，連續幾日都無覺好訓，唔係溫書就係做功課。講返今日先，今日上堂狂打喊號，周圍d人都打，1個人打喊號，就會產生骨牌效應，周圍d人又一齊打，老師說人好易受他人影響，有道理-__-''，跟住今日中文派測驗卷，得6成人及格，我竟然及格，講真考份卷時，早就料到及格喇，上堂個陣時，竟然俾老師讚，我當時有5秒鐘的停頓，然後10秒鐘既無奈，是關因為條問題無咁多人拎滿分，得2個人，幸好條問題既最無人講既部分我竟然講到就係個個子京係呀范既fd，而佢最重要係俾人貶職，之前好彩有睇到，先至可以答到，真係可以話好彩。講返標題壞習慣先，發覺自己成日串人，禍從口出，所以決定唔串人喇，盡量改喇。今日好開心，有部iPod shuffle聽音樂，可以入成1GB，頭先入左D歌，D說明書係英文，所以直程去探索算，廢事睇，研究完一輪，終於搞點曬，入左12首歌，今晚可以聽餐飽！！
發表時間：2007-03-30 07:17 PM [ 訪客留言(1) ] [ 編輯日誌 ] [ 分享至FACEBOOK ]

2007 年 3 月 28 日星期三

大家認為無小息係唔係防止通水既辦法呢?

分類: 未分類

今日測中文，真係估中左出文言文，好彩有溫到，但都係睇兩睇，因為真係有太多課外文章要讀，應該都可以pass到，發覺假期真係有好多野做，要溫書同做flash，都幾多下，又要暫停我得閒個陣時會做既個樣野(詳情請睇返我過去所打既日記)。今日無小息，無得去廁所，好彩呀sir好人，早5分鐘俾我地解決未解決既事，其實唔放小息有用咩，我覺得佢好似虐待咁樣，無得放小息，無得去toilet，又無曬人身自由，其實我覺得老師好蠢，事關通水好easy，第三堂臨5分鐘去廁所，寫低測驗所提過既野，放係D隱閉地方，等第2 D班既人拎黎睇，或係廁所撞到就直接講俾佢聽。

P.S無小息只係一個治標不治本方法，曬氣，好心老師搵D可行方法喇！！！

歡迎發表意見。

發表時間：2007-03-28 10:36 PM [ 訪客留言(0) ] [ 編輯日誌 ] [ 分享至FACEBOOK ]

2007 年 3 月 27 日星期二

測驗專題功課大轟炸

分類: 未分類

今日UT測普通話同computer，computer琴晚曬左好多時間溫，測完computer發覺好易，後悔花太多時間，普通話就死左，因為用得唔多時間，應該都合格喇-_-''。今日D堂好悶，好眼訓，琴晚訓得唔好~.~，最後英文堂既10分鐘想訓覺。E個星期D測驗好變態，5個測驗- -，臨時加多左一個數學測驗，真係XDDD！！！明天測中文，李老師話好難，好擔心，盡力溫喇>.<，好彩E排少功課，有大把時間溫習，下星期仲有2個默書，覺得好似衝住UT而黎(直頭係喇- -)，好聽D應該話係復活節前的考驗，就好似神俾既考驗，但又真係過左火，跟本唔時時間溫- -，仲有個中英文有聲閱讀同個電腦story未做，大穫喇！！跟本真係玩人！專題無喇喇做左組長，名義上係呀Blue做，但由於佢多病加上管人唔嚴，驚唔能夠準時交貨，所以俾左我做，真係幾分無奈x.x。

P.S希望大家係測驗拎到[好成績]！！！

發表時間：2007-03-27 06:23 PM [ 訪客留言(0) ] [ 編輯日誌 ] [ 分享至FACEBOOK ]

« | 34 | 35 | 36 | 37 | 38 | 39 | 40 | 41 | 42 | 43 | »