我漸漸發覺愛一個人，是痛苦的，那種想表達自己內心表達對佢感受，又怕遭無情的拒絕，內心怕受傷害，亦即係人地所謂既[淆底]，所以現在寄情於研究一些化學品及學習上，希望不再去愛。講到e度，大家一定肯定係失望，我個人黎講，愛一個人，是講時機，時機還未成熟，時機可能在會考之後先至有，會考？就係中5個會考。長遠？唔算長遠，會考起碼考曬中2-中5 D野，現在準備就差唔多喇。你初初一定以為幾個月就讀得曬，其實真係要靠平時努力，將知識一點點累積。唔講咁多，講咁多你只會覺得我好長氣，玩個一個心理測試，測驗顯示我心智37(真係老-_-''，如果到左37，我心智可能到60- -)，講返近排做咩研究，研究緊一種叫Halon1301既氣體，內容算係幾詳細喇，包括E種氣體能夠破壞臭氧，仲有搵埋一D化學方程，算係睇得明喇，星期6,日就研究其他化學品，暑假如無意外應該留在家中閱讀書本或做下一D化學筆記，當係未雨綢缪(其實係無野做，自己閉關，成個自閉細路……，近幾個月都係咁，無特別原因唔出街，特別原因：例如要買lunch喇，導師叫我返教會喇，朋友約我出去喇<----比較少有，同埋都係講公事多，好似專題……，睇落好似好寂寞咁，其實跟本過慣，其實真係幾悶)。
P.S拎得起，放得低，做人左右銘。仲有希望各位睇完留下言，俾D支持我繼續打日記打落去……plz！！
|
