今日10:00起左身,開電視睇,一開就見到高智能方程式,好耐冇睇喇,仲要係第1集。之後係電腦到睇多啦a夢,好好睇。到左下就經過包包日記,見到佢話有睇"愛麗斯學園"。之後我就立即call佢同佢傾愛麗斯d野,大家都覺得好好睇^^。

p.s：聽日睇決賽喇,好緊張,法國要贏(但係我支持邊隊,果隊都輸。^^)

今朝,6:00先訓,因為要睇波,今埸係德國對意大利,我估德國會贏,係上下半埸互有攻守,所以要加時,係下半埸既時候,意大利有2球差d入,一球橫眉球柱,到左最後4min,意大行入左1球,之後好快又入多球,到左完埸個時就係2:0,咁就贏左喇=-=

今日係社際問答比賽同阿貞生日,問答比賽就緊係我地藍社贏喇,但係都有小小'符碌'成份,到左放學之後,我地要補CIT,補完就要去阿貞生日,我地去左韓燒,有我,成成,金雁,壽星女,子光,狗狗同鎮宇sir。我地係元朗廣場等阿sir等左9個字左右,佢到左就出發啦。係呀係呀,唔經唔覺就到左9:00,食完就同狗狗,子光,成成返屋企喇。