好耐都未試過一覺訓天光lu,爽ya。

一起身又係睇電視既時間la,睇到12點半同呀爸出街食飯,

食食下佢同我講左好多野,令我覺悟到我既性格需要改變。

行番去果陣我諗左一陣,我決定盡力去改,希望成功。

番到家睇電視睇到3點9個字出左去打波。

一去到球場比街場d人撩鬥波,勁耐冇打過3打3,

打左兩場一場十分一場7分,

第一場幾正我遠射入左3球,不過對面有個勁人,狂比佢上籃得分,輸左

第二場我唔鋸一開波就遠射中左5球,另外兩個對友一人一球上籃ko左

冇打一排,今日打番打左陣就索氣,老啦xdxd

番到屋企沖涼食飯,今日過得勁爽。

今朝9點就起左身,拿拿聲開機升巨商,

12點幾食左飯呀媽同呀妹去左睇哈利波特(都唔知有咩好睇)

格左陣呀爸出埋去打牌,又一個人lu,冇野做又升巨商,

我既生活來來去去都係巨商同電視,唉!

7點半叫左個外賣食完比呀良叫挑流星,

我仲記得第一次同佢挑果陣我輸到含家產,因為果陣唔識d連技比佢殺到死下死下,

今日我黎個鯉魚番生,爆晒d連技殺到佢叫救命,哈哈!真係不枉我苦練咁耐。

打左陣,老婆on msn lu 幾日冇見佢la。

傾傾下又去左睇電視,星光大道d評判好賤,一野比左5個交叉人地好賤。

唱得好果d又話人地扮野一d個人風格都冇,好9 lo,唉!冇野講。

今朝眼都未打開呀媽就打黎叫我出火車站拎野,唉!

一來一回又係20分鐘既路程整到我成身水,沖左個涼。

跟住就睇電視la,中午食完飯又繼續睇,睇到7點落街買餸,

出面勁大風,今次呢個颱風吹到香港正一正,不過好涼,哈哈!

番上去又睇電視食完飯又繼續睇。

唉!人生真係無聊,我真係唔明點解我可以日睇夜睇都唔悶。

今朝起身,就開始睇電視,一路睇到12點同呀爸出去買餸,

我就順便搵下工,點知依家d工全部都係請女人,無奈。

番到屋企係房開埋個冷氣睇碟,睇到4點就升左陣巨商。

5點沖左涼勁眼訓,訓左陣7點先起番身,又升巨商,
 

唔知做咩,今日隻主角勁多場都唔出旋動搞到係咁死,比佢激死,

食完飯電視都唔睇狂升巨商。

今日真好好鬼無聊。

悶!

今朝9點9個字先起身,呀爸又霸住部機黎睇股票,為有同呀妹睇電視。

一路睇睇到12點幾食飯,食完又睇,睇到冇野睇佢無聊到拎餅十四歲媽媽黎睇,真係比佢吹漲。

去到4點諗住出去打波,點知個天又一時落雨一時出太陽,等到4點半見佢仲好大太陽就出左去打波。

球場又係得d細路,打打下又落雨,停左出番太陽無耐又落雨,打左1個鍾頂佢唔順番左屋企。

唔咁快番好地地,一番到去比人叫左出火車站拎野,搞到又出左火車站,激死!

番到去呀爸呀媽去左深圳整野,得我同呀妹係到,沖左涼跟住就整野食。

開埋洗衣機叫埋呀妹洗碗,終於就可以坐低睇電視,攰死,我終於發覺呀麻係到做晒d野既辛苦。