一起身又睇電視,睇到1點同細佬去金銀島水城玩,爽呀。

入到去換左3,跟住去人造浪池果到游左陣水,

游左廿幾分鐘,個浪就開始,超正,差d比個浪浸死,

跟住去sir滑梯,有條滑梯係全密封,又黑又高又彎又快,

我仲記得上次黎果陣我唔敢玩,因為好黑。

依家諗起都kaikai地,跟住都係sir下滑梯玩下人力浪(唔多講)

跟住林走果陣去玩最後一次密封式滑梯,上到去冇人係到,

又冇水wo,跟住諗住自己開水,一禁就聽到好多把聲叫關水呀...關水呀

原來條滑梯入面有3個救生員係入面檢測緊,勁好笑,

跟住3個原本行到上黎又比d水沖左一半,第一果個救生員行到上黎關水,

跟住聽到有個救生員話,屌!電話沖濕左,仚家產。

跟住我同細佬一野跑走左,拿拿林換番3走人,

唉!真係比佢吹漲,叫左佢唔好嫁啦,死都要去禁= =

好彩冇比人打姐。

今晚有人請食飯,11點先番到屋企,攰,

沖涼訓覺,我永遠都會記得呢一日。

一覺訓天光，９點半起身睇電視（又係睇電視）

睇到10點半3個人去唱k,勁平17蚊一個鍾加20蚊有自助餐食,

唱左3粒鍾,乜歌都唱,唱完出黎把聲沙晒,因為唱g.e.m既睡公主果陣唱到勁大聲,搞到個肺都痛埋

跟住番到屋企食飯,夜晚再去商場行,買左個占士既公仔,跟住飲野一路飲一路鬥地主(睇黎我愛上左呢種玩意)

10點半就番左家。

今日又一早起左身,跟住聽歌聽到9點半起身睇電視,

睇到食完中午晚,汁好晒d野,就同細佬妹坐車去佛山(細佬家)

1個鍾就去到,一落車行20分鐘先去到細佬家,

食完飯,就睇下電視,睇完鬥地主,12點半先訓,攰死。

唔知點解係廣州日日都好早醒(可能係隻貓成日呱呱嘈)今日8點就醒左,

刷牙洗面跟住睇電視,好彩大陸多野睇,仲重播nba既決賽,正。

9點幾10點全部人都起晒身,跟住又係3個人鬥地主既時間,

中午食完飯又鬥,鬥到夜晚食飯,都唔知點解我地咁好心機,

食完晚飯又鬥= =,一路睇電視一路鬥,我又賭輸一局,

夜晚12點落街買冰,唉!

無奈

今日8點半就起左身,其他人仲訓緊,刷牙洗面,跟住姑媽都起左身,佢拎左個凍包比我食,

睇左陣電視,又有個親戚話請食飯,開車黎接我地,跟住去到酒樓,哇!好似祖宗18代都齊晒咁

食食下d大人又叫我地做埋d on9野唔係到打,想知msn問我。

跟住無耐又落雨,仲要係好大好大果隻= =,食左2粒幾3粒鍾終於走得,

跟住果條友話車我地番去,點知落到停車場佢架車比前後左右既車夾住,

搵左好耐先耐到個車主開走架車,唉!無奈

跟住番到家同細佬拎晒d泳褲去游水(好彩個天呢個時候停左雨)

林入去果陣,個女人話要穿泳褲先可以游(我穿波褲),跟住我厄佢話係泳褲黎,話係香港式既泳褲,個女人信- -

個泳池d水乾淨到冇人有,跟住游游下比d水整到我同細佬個背脊好痕,去到池既另一邊仲聞到有陣陣既尿味,唉,大陸!

上左水之後去左7仔買魚蛋食,個服務員既態度又係好到冇人有,自己唔識整屈我地講得唔清唔楚,好野。

番到屋企食飯,食完送呀爸落去打的士走(我留多幾日先),上番去又3條友鬥地主,鬥鬥下話鬥多20次,輸得最多果個落去7仔買雪糕,

唔洗問又係我呢個新手輸得最多,買完番上去食,又幾好食wo d雪糕,食完又鬥過,鬥到12點半訓左。