今日喉嚨劇痛

連吞口水都好痛

我諗我不出兩日就一定會發燒架

因為我次次喉嚨痛都會發燒架...

唉...

Happy Brithday To You

Happy Brithday To You

Happy Brithday To Hong Kong

Happy Brithday To You~

今日中一係唔駛番學架..

但我,茶茶,包包,嘉頌,杜杜同鄭忽忽番左學校

點解?!

我地六個今日做乖乖學生幫Miss羅手數野

首先,

我地約左9:00a.m. o係學校門口等

我行到鄉中與沐恩交界見到茶茶同Miss何

佢同一個miss講:乜今日要集會咩?!

咁之後佢地兩個就抽住佢地ge早餐急急腳咁行番沐思喇

入到門口,得茶茶一個

咁等左一陣,見到杜杜o係學校入面行出黎

等到咁上下啦,包包同嘉頌黎左喇

我地成炸人差一個咋

就係鄭忽忽

佢竟然遲大到喎

要5個人等佢一個(包miss羅)

佢到左我地就上hall睇馬戲表演

d人成日失手,就唔係好想睇落去

之後我地聯同miss羅上左2樓ge MMLC 2

因為我地太多問卷喇

我地就移玉步到2c班房做分類ge工作

我地開頭好亂架...

但之後可能做熟左就冇咁亂喇

我地好似做左半個鐘(由茶茶提供)

我地就過番mmlc入data

過到去我地要等個唔知咩哥哥黎俾個file我地

miss羅去左搵佢

我地首先黎個碌碌登大戰

仲圍攻鄭忽忽tim

之後

我地各有各上網

鄭忽忽同杜杜上網睇片

鄭忽忽笑得勁大聲,又難聽

嘉頌問miss羅阿rain靚仔唔靚仔

之後miss羅答道:阿ｒａｉｎ靚係就唔係好靚仔喇

之後我地３個女仔拍手同勁笑

搞到嘉頌勁冇"引"

跟住唔知咩原因我地轉左去電腦室1去入data

miss羅話請飲野

問我地飲咩

一個話飲檸檬茶

佢話要記底

之後個個都話飲

佢笑死左

我地各有各打

 一路打就一路傾計

茶茶部機唔知做咩野save唔到

就去左第二部機打

之後再save又save唔到

兩次都係咁

到左lunch time

miss羅請食飯

飯到我地就食飯

因為o係steff room出面d台食

所以好多老師經過望住哂

我地食飽飽次後就傾閒計喇

傾到咁上下我地就番去做野喇

做做下

Miss羅拎埋佢d飯入黎食

(乜電腦室唔係唔俾食野架咩?!)

繼茶茶之後save唔到ge就係包包

經過一輪"激鬥"後

我地終於搞掂喇

我地倣完ge就同Miss羅傾計

講下唸樣就講下o個樣

Miss羅問我地1C有冇緋聞

我同茶茶第, 時間想爆左鄭忽忽d野出黎

但知道鄭忽忽佢唔夠人講就郁手郁腳

所以我就講喇:2字頭

跟住茶茶就接喇:1字尾

我又講"姓盧架

佢答:叫樂宜

Miss羅聽到之後就好疑惑

因為佢認為盧樂宜係d好cool ge女仔

有好多人都點頭示意同意喇

跟住有人講話佢地係靠書信來往,黎傳情達意架

鄭忽忽想講呀包包同xx

佢就話:3字頭...

我地全部人唔so佢,答

"乜今日天氣咁好ge"

佢勁冇引...

唯有自己篤爆哂所希傳聞

佢講左:

講左嘉頌同陳冠熹勁多次

包包憚怇講到勁無奈

我同賴智謙

佢都痴痴地架

1C個個女仔都俾佢咁講過

到差唔多走o個陣

佢又講茶茶同豆豆

之係茶茶話係豆豆單戀…
笑死我呀

走o個陣..

miss羅送我地出去

我地"林"走o個陣佢同忽忽講:我唔會詰俾Miss呂聽架

打完lu

今日都幾倒霉下啵

早會o個陣又俾徐淑儀(我唔知有冇打錯)勁"潺"我

(p.s."潺"只取其音,means"責罵")

我夾得多夾有關佢事ge...

咩人黎架,咩都關佢事ge

痴線架!!(怒罵中)

小息o個陣

諗住去locker執執d野

咁我就行盧兆傑o個條路

我見到佢咁我就叫佢借借啦

點知佢想拍登俾我過

我就唔知...

我同佢張登就撼埋左一舊

大家都知邊個傷d啦

當然係我呢個人啦

開頭冇咩野

凈係有d痛痛同紅左兩"da"

之後行下行下就覺得好痛

攞完野

諗住同bowbow去廁所

點知因為我隻腳好痛面落左MI Room

落到去

嬸嬸第一時間幫我消毒

因為佢話驚我撞損左喎

之後佢就俾左冰袋我孚

孚下孚下有d高form ge姐姐黎左

佢地話要聽八仙飯店d野

嬸嬸知道八仙飯店o個單野

咁我又聽埋一份

(我係一路孚一路聽的)

嬸嬸講番佢以前住o個頭架

仲識o個一家人同個兇手

佢講講下

梁嘉儀(唔知有冇打錯)入左黎

佢話佢對新鞋括腳,損嗮

要攞膠布

攞完之後都聽埋一份

聽到打左上堂鐘冇幾耐

d姐姐先記得要上堂

之後就走哂喇

我就孚多陣就攞紙番課室喇

我就"ga'下"ga"下咁番到去1c

入到去成班人望住我..

有d驚驚添....(傻笑)

之後擺底張"遲入課室紙"就番位如常上堂

到上G.G.堂

有得玩玩

(詳情唔想多打..呵呵)

放學o個陣經過1a

見到好多女仔喊

我知發生咩事

走左出沐恩了....

(因今日日記比之前的長,以下落黎ge會縮短)

回家後

我發覺隻腳仲腫左d

我唯咁用冰袋孚孚

8:00 p.m.

今晚有湯飲

有火腿炒蛋

芽菜炒芝士腸

豬肉餅

仲有一樣

煎一條我唔知佢叫咩名ge魚

今餐豐富哩....

話就話日記

但我唔係日日都記

呢個就係小黎日記ge特點

呵.....呵.....呵.....呵....呵.....(喪笑)

唔係意思,痴左添

咦..咦..咦..

離左題添

如有不便,敬請原諒

講番我家ge十級恐怖動物

我相信好多家庭必然有一隻

就係恐怖話恐怖份子ge阿媽

佢地係十級恐怖動物

我家中o個隻就極為恐怖

我阿媽ge必殺技可以同小新阿媽ge閃電鑽有得揮呀

想知佢ge必殺投係咩?!

就係"掌摑耳光"及"衣架掃射"

尼兩招可以足夠致命

仲有一樣好重要ge野

係唔可以避架...

噢~香港ge兒女真係可憐呀

我家的恐怖動物當然唔止咁少絕技啦

嘩~

佢ge獅吼功可以同元秋歌一轉山歌

譯容術及變臉拍得上d變臉大師

佢ge招式實在太多喇

一時三刻好難講得哂

有機會再講

我凈係想問一個問題:

點解我d同學見到我阿媽會話佢好人架?!

(p.s.如觀看日記者對於本文有同感或任何意見,歡迎留言)