Hello diary :)

原來已經隔左3年...

自從中學畢左業就好順利咁去左讀嶺南HD,

Airlinre Servise And Management 我真係好想做空姐。

2年時間識左好多人都知道原來唔係個個人都一樣易相處,

全英真係好難讀但其實D內容好得意至少我肯比心機上堂溫書,

經歷太多但真係好開心, 有時候都幾掛住果時既生活, 打打鬧鬧又一堂。

偶然一次機會入左Disney kodak一做就係2年...

好鐘意同小朋友玩好鐘意見到佢地笑得好天真好燦爛既笑容,

無憂無慮, 同佢地玩真係會咩都唔記得晒,

characters由唔識到大部分都識都認得果種感覺好奇妙,

係呢個夢幻世界我得到好多快樂好多回憶好多好多...

每一日返工基本上都係12個鐘起跳,

真係會好攰但係會覺得好值得,

每日舉機3千下真係好攰好想放棄,

但好自然地會想影到D靚相出黎想guests見到係開心,

我既目的唔係想幫公司賺幾多錢賣幾多相,

好簡單我都想帶到快樂俾guests, 屬於佢地既美好回憶。

冇諗過自己一做就係2年,

都冇諗過我會堅持到,

雖然而家慢慢變緊質好多野都同以前唔再一樣,

但我依然覺得HKDL係一個充滿快樂充滿幻想既地方,

係呢到你會覺得好神奇,所有野你都知點解但你會好願意保守秘密,

因為呢D都係快樂既來源<3

由細到大都好想好想去澳洲,

原因已經唔記得可以因為覺得果到好靚,

whatever我終於向夢想進發,

由一踏入21歲我既人生已經有好多轉變,

好似突然之間大個左真係成熟左,

我唔想後悔我好想趁早去闖下,

唔得咪返HK, 呢到永遠都有自己屋企人,朋友係到,

終於到我去Working Holiday了.....

唔知會經歷D咩,

唔知會遇到幾多挫折同難關,

唔知一年/兩年後返到HK會變成點,

一切都係未知數, 我想一步一步證明自己,

我會堅持到, 我會帶住滿滿既經歷返黎,

唔再諗自已會唔得要相信每個人都有力量面對挑戰,

加油!!!!