新年快樂!!!!

琴晚燒完炮仗先訓教,已經成點咁滯,

再加上成晚都有人燒炮仗,好嘈....

今朝8:00左右起左身,

成家去飲茶,

逗左好小利是喳,

成日都留係屋企,

d大人就打牌,我地d所謂既細佬冇野好做,

想去唱k又唔知有冇開門,

唉...唔緊要啦,

都唔算好悶呀...

聽日去表姐個婆婆到拜年,一定有好多利是逗!xd

係咁先啦,

祝大家身體健康!財源滾滾!=]

琴晚同表姐傾到成4:00先訓教,好癲!xd

今朝早9:30左右起身,

成家去左飲茶,成枱都係點心,好味!=]

之後就去左行花市買桔同埋花,

好搞笑,"非主流",形容得好貼切,哈哈!!

"本身都樣衰,仲要整到個頭咁,更加樣衰!!!"表姐形容賣花d''令''仔..

買完就返左屋企,好忙碌咁做野,

個場面真係唔可以用言語黎形容,

真係好正,

成屋企都好有feel,

紅噹噹咁,好應節!!!:D

整晒就食"成龍牌"湯圓,好大粒,好味!

之後係到睇"情聖"好搞笑!

食完飯之後就去左買煙花,

買左差唔多200蚊,好貴囉-.-

岩岩沖好涼,等緊燒炮仗,同埋待緊燒煙花,

我會錄底,遲d先放上黎,

等我返到香港就會po上黎嫁啦,

等下啦!!嘻嘻;)

在新一年我衷心希望我不再想你,

不要再勾起那些回憶,

跟你說一句:永遠都不要再見!

可能我會捨不得,但我希望我做到!

po返d相先:

行花市見到嫁...

我表哥&我阿哥貼揮春!

今日我返大陸啦,

9:00幾起身,做左好多野,

而家等緊呀哥返黎,

之後就會返去,

因為太無聊,

所以打下blog咁,

不過似乎無咩可以打,

算啦,

我今晚返到去先再更新啦,

係咁先啦,

byebye~ ;]

後記:

2:00由屋企出門口,4:00左右就返到屋企,

勁快!估唔到會冇我想像中咁多人囉,

都好既,快d返到去唔洗同人逼xd

返到去同表姐hea,

無咩野做,

聽日先去買桔,買年花,我諗都幾好玩既!=]

大家今日點過先?!?!

分享下啦!:D