返學,唉...勁唔想囉....

今日上堂狂釣魚,

都唔知咩事...

放學係輕鐵站撞到蔡炳,

so一齊放學,好搞笑既眼鏡look=]

之後又好乖咁一齊去左圖書館囉,

勁好笑,搵d書都咁好笑囉xd

借完書又一齊去左m記,

又係好搞笑,冇人敢郁囉xd(一定係驚左阿yan;D)

食完就回家去...

8:30左右啦,又約埋蔡炳去左公園玩,

勁少人囉,都唔知點解會咁...

係到食冰皮囉xd原來UFO係識跟蹤我嫁!!!!

之後去左買野玩,

點著個蠟燭俾個阿姐話,

叫我地吹熄佢,咩事?!我地又唔係煲蠟....

狂玩囉,又行石春路,

我仲"咩"埋maggie,

行到我勁痛囉....

又同蔡炳鬥快跑石春路,

兩個跑完即傻笑囉,因為勁勁勁痛!!

玩玩下見到杉治,吳偉忠,

食埋糖水就回家去了,

今晚玩得都好開心,

祝大家中秋節快樂!!=]

yeah!!終於都捱到今日可以放假啦!!

中國實在係好多人囉,

又超勁,超壯觀喎!!!

1點幾就去阿yan到,

做通識功課,

maggie好正囉xd

先做得一題就唔做,出元朗

咁岩見到阿yu,so一齊,

去左滕原豆花店食野=]

好有趣,果個阿叔最有趣xD

幾好食呀,我覺得OK呀!!快d去試下..

then去影貼紙相,

我地真係唔夠部機咁快囉,

個個都手忙腳亂,

都唔知搞乜,

一致通過再影多部,

今次好左少少咁啦,

都幾好笑囉xd

咁岩見到嘉琪喎...

之後我地3個既媽媽都打黎催我地返屋企,

突然間勁趕時間囉,

仲要買埋野飲果下先勁!

返到去好彩冇鬧得好甘,

嚇得我呀.....

睇cctv,好正呀!!

我真係覺得身為中國既一份子都幾自豪xd

因為真係好勁好勁!!!!

通識好煩,搞到我好耐先做完,

聽日又返學啦,

唉....到底為咩呀?!放多日唔好咩?

我阿哥又唔洗返喎...

岩岩阿哥係我間房到同佢條女傾電話囉,

同我傾計又咁惡死,

一聽到電話響變得勁勁勁快囉,

我太唔据,狂係佢耳邊嘈佢,

哈哈!!

係咁先,訓教!

呢幾日都好攰好攰,

又好忙,好多野做,

唉......

好唔中意bafs呀,

唉...日子真係難過...

放學green house有野要幫手,

va室全部都係綠社人,

個個都好努力咁係到剪野,

都幾壯觀!:)

分時間表都分都我痴線,

而家我條腰仲係好痛>~<

係咁剪野,都幾攰,

我而家先真正知道一個牌要經咁多人既努力先會出現,

成枱都係剪左既牌,

成枱都係綠色=]

之後回家去,

感謝細佬黎接我返屋企,

雖然都係濕,

不過好多謝你呀!因為你冇打機啦xd

好唔開心囉,因為死神4已經冇得睇,

仲諗住聽日同阿yan一齊去睇嫁ma,

而家咁點先?!唉.....

都唔知聽日有咩地方可以去,

點算好呢..?

wongyuenwa你到底發生咩事?!

做咩搞到自己咁呀?

點解又變到咁....

幾時先會還原,幾時幾時????

我好唔想見到一個咁既自己...