承炫happy birthday!!:D

18歲生日快樂^_^

我要放片XDD

女裝很美喔^_^又很好笑

------------------------------------------------------------------------------------------------------------------

演技真的超級好!!說哭就哭,厲害!

-----------------------------------------------------------------------------------------------------------------

好有魅力的小六,很認真,好喜歡這段!!!完全帥!

所以我決定要練"kiss the rain",太好聽^0^

早起身感覺其實都唔錯,

因為成個暑假都訓到好晏,

間唔中早起身都係件開心既事^_^

有人好準時上到黎,

成大袋手信,真係好感動!!

全部都係面包超人黎嫁!!(除左1-2樣唔係:P)

如果放晒係張枱就會好壯觀,

真係多謝晒^0^太愛你啦我XDDD

之後阿哥個囡囡都上左黎,

勁開心咁互相say hi,哈哈,傻嫁:)

5:30出門口去學琴,

連學2個鐘,不過非常開心,

因為係咁同msis傾計,

又傾長隆d野,又傾電影,

miss仲同我講左好多套電影內容俾我知,

哈哈,估唔到係咁愉快^_^

好明顯同miss關係良好左好多:D

學完琴去痴mon貼,

痴完先同我講30蚊一張,

真係勁唔想俾錢佢囉!!

明天努力做功課!!!!!!!!!!!!!!!

p.s因應mini要求,所以po返條勁大鱷魚上黎^v^

好多面包超人*V*

佢係水入面,真係好難俾你睇到佢到底有幾大,所以就......

8:00起身(如果我冇記錯的話...)去食早餐,

一般啦,唔係咁多選擇...

居然落雨,唉..天公不造美,

每次出親去玩都總係會咁....

去左野生動物園,自駕遊,

好彩停左雨,開窗睇,d鹿好可愛!

有d人餵佢地,d鹿成個頭伸左入人地車到,

好誇張,我都好想摸呀,可惜冇野俾佢食><

d熊訓教勁有型,攬住d樹,卡係到,哈哈XDD

老虎好有型,d紋好靚!

豹既肌肉真係好發達!!!

獅子都係好有型!

好多都好好睇,

睇完成年既動物就去睇下d BB,

真係好得意呀!!

我都係最中意老虎BB,特別係白虎,

真係可愛到暈呀,仲咬毛巾,

好想帶佢返屋企XDD(如果佢一直都唔識大既話:P)

駝鳥蛋大到呢....

猩猩BB要訓氧氣箱,仲'琴"被,真係好似人,

大個少少既就係"阿笨",訓緊教,

姑媽叫醒左佢,佢坐左係到乞眼訓,都好得意!!

其實我好想抱白虎BB嫁><

由於太過大雨,所以決定早走,

去左買公仔,我咁中意白虎BB咁梗係買啦,

真係好多謝姑姐送俾我地^_^

姐姐就買左樹熊,哥哥就買馬騮:D

之後去左食飯,

哇哇哇!!d態度差到佢呀,

差d想反佢枱!!!

幾好食咁又點呀,態度咁既樣,

真係太過份!

食完飯就去鱷魚公園,

一入到去有條世界最大鱷魚,大到你唔信,

好誇張囉!!!!!

入到去佢有得賣鱷魚肉,

仲要即場劏,個師傅好勁,好似砍柴咁砍!!

不過都幾核突><

飲左鱷魚湯,估唔到係咁甜,都幾好飲

呢個公園都有好多龜睇,

有隻300歲既龜,真係唔係好識郁,好似假既咁..

真係勁多鱷魚,唔怪得有咁多俾佢劏啦....

有人釣鱷魚,但其實即係餵....邊有可能嫁...

同姐姐摸左鱷魚仔,好硬!!

又勁影搞笑相,笑到合唔埋口XDDD

睇鱷魚show,

佢地伸個頭入去真係標冷汗,

幾驚d鱷魚無啦啦發癲咬落去.........

睇完呢個仲有得睇豬仔跳水,

好得意囉,哈哈,其實佢地係企唔穩先跌左落水!

睇完就走lu,

又坐好幾個鐘車返去,

行到太攰,個個訓晒,哈哈!!^0^

 

"短短的2天旅程,就這樣完結了,

是有一點失望,天氣也不好,玩也沒甚麼玩到,

不過都不要緊,因為我們大家都很快樂!!

沒甚麼比這個重要了,期待下一次的旅遊!"

 

好近呀!!

斑馬都好靚

d長頸鹿仲高過間屋,點避雨..??

3隻可愛既老虎仔*v*

佢咬緊毛巾呀*0*

有d反光,唔知你地睇唔睇到,最右手邊係吊高左俾人劏左半邊既鱷魚!其他就係佢d肉.....

好邪惡既鱷魚!鱷魚BB都係有點邪惡...

300歲既"假"龜xD

一人一盅鱷魚湯!

走先黎好天....咩事...