我既大計終於都係今日正式開始啦!!

(講左咁耐而家先捨得開始.....;p)

多謝成家人陪我!(雖然阿爸唔係..)

果然係食得好健康,

公佈下食左d咩先:

早餐:小半碗麥片,一隻烚蛋,一舊餐包,

午餐:蒸餃子數隻(好似4隻掛...)

晚餐:半碗麥片,加小小餸....

仲要係咁飲烏龍茶,

um...都幾好既,可以接受到,

只不過真係不太愛食麥片; )

仲好忍得口,成日除左3餐以外就咩都冇食,

wow~真係唔相信自己xd

之後去左學琴,

miss又逼我背譜啦,

之前又唔講定,

無啦啦要我背,

點識姐,又話我唔用心練琴-.-

係咁俾佢話,仲即場叫我背,

唔記得中間少少又要重頭黎過,

唉....

返到屋企好努力咁做oral功課,

Gary sir你下次就唔好再俾咁多啦,

真係好難做,

做左n咁耐都唔岩,

有排我做,

又要溫書,阿sir唔好咁啦,

真係唔記得嫁,

好多野要溫,要做,

做到我暈@@

好眼訓,

係咁先啦!!

希望我之後都可以日日堅持啦!=]

呢句韓文係同你講嫁,

出自內心...

不過我唔會解俾你聽,

同埋專登打少幾個字,

因為唔想你搵到個解釋xd

 안합 다 !!!

今日媽咪放假,

晏就同媽咪去左銀座,

去銀行打簿,

先去中銀-->匯豐-->恆生,

一共打左6本-0-好多囉....

去匯豐見到譚sir同池sir,

譚sir係咁望住我笑,我同佢say hi ^0^

之後又見到一大班miss,同埋2個阿sir...

打晒簿之後就去左BSX買衫,

簡左勁耐,

最終係買左3件衫俾自己,

送左1件俾媽咪,一件俾阿爸xd

(突然覺得自己好乖女;>)

唔記得買左幾多錢,

總知就做埋人地會員-v-

買完衫就去左食野,

食完就回家去...

返到屋企係咁同媽咪影相,

哈哈,係得媽咪會陪我癲xd

癲完就同媽咪睇MJ d片,

一個巨星就咁就離世,

上天果然係公平...唉...

睇到成6:15先捨得同媽咪去買餸,

我既決心好大嫁!!!! : )

就咁就完左1日,

我覺得自己好誇張,

練琴既時候同兩行可以不斷重覆彈半個鐘,

係無斷過囉-0-

因為果兩行好難,彈到手指紅晒....

第一次咁,媽咪都俾我嚇親;p

又打下韓文先:

잘  자 라 !~ <--即係晚安!!:>

哈哈=]

今日9點幾又俾媽咪整醒左,

基本上日日都係差唔多9點幾10點起身,

開始覺得有點兒浪費時間xd

落勵揚食早餐(基本上日日都係咁...)

食完就同媽咪去商場,

我去圖書館,媽咪就去買餸,

借左本韓文教學既書,

因為近排太愛李敏鎬啦,無計啦xdd

完全係中晒毒,成個wallpaper都係佢=]

哈哈,真係好靚仔:) [千祈唔好呷醋呀!!]

之後扮好學,走去借英文書,

走去人地兒童圖書館借,

(因為成人果邊都冇故事書既...唔好話我低b呀!~)

有兩個執書既人係咁望住我(因為佢地執緊英文書....)

我係咁行黎行去,佢地勁無奈,

對唔住囉,阻住你地傾計xd

之後就同媽咪行左陣商場,

勁快又買左件衫俾媽咪,

真係勁!! ; )

返到屋企咁岩12:00,

wow~又睇花樣男子,

又睇我最愛的敏鎬,哈哈,

睇左3次都唔厭;>

睇完係咁同阿哥一齊學韓文,

難到痴線,果d敬畏語勁多,又個個都唔一樣,

唔係ka音就係ga音做尾,

學到我同阿哥條脷打晒結咁,

不過我係唔會放棄嫁!!

睇住黎啦韓文,

我勁有決心去學呀!;]

(我完完全全係傻左.......)

안녕히 게십시오 再見!=]

(打左我勁耐,太過份!!!!)