今日係UNO日,

一到小息成班人就會變成賭檔,

2檔UNO,1檔層層疊,1檔象棋,1檔英文砌字,

真係好正呀!!=]

係咁drew人,哈哈,

實在係太大癮,

轉堂miss未黎都要玩,

真係好誇張囉....

BIO係咁係到畫圖,好密,

不過成份ws好正!xD

電腦堂同kimmy好白痴,

明明就坐係隔離,係都要用ebuddy傾計:)

放學又留係學校玩UNO,

會唔會太過貪玩?!

係咁針對我一個囉,

我真係好傷心,又火燒心咁,

太過份啦!!!!!!!!!!!!!!!!!

玩到差唔多6:00先走人,

聽日又玩過!

聽日TSA一定唔可以抽中我呀,

我真係好驚!

條頸痛左成日,真係救命!!!@@

今日終於都派晒卷啦,

真係唔好提,提起都傷心...

基本上成日都好悶,

都唔知有咩好做,

上堂又無聊,勁想訓教...

放學去左商場,

阿yan去曬相,

我就幫達達仔去影印,

我聽日先去曬=]

maggie之後去左我到,

俾包餃子整到我成件PE3都係油囉,

真係勁唔開心!

係到睇棒棒堂,睇完就聽返星期五架勢堂,

個黑影果然係令人心寒~

夜晚又聽架勢堂,好鬼驚囉,

整到我心都寒埋,

拖我細佬陪我聽xd

聽到佢播返之前果d就真係勁驚,

於是決定放棄XD

今晚聽下又講咩先!~

I felt blue all day....

今朝11:00先出去食早餐囉-0-

明明我起左身咁耐...

晏就2:30去左學oral,

今次打孖黎,一學就學2個時期,

點記?!?!我發覺我自己唔夠人鬥,

我真係好唔掂,咩都好似唔識咁,

學左咁多年琴,我從來都冇覺得學琴係痛苦,

我會學琴係因為興趣,因為我相信佢可以令我快樂,

因為我相信鋼琴永遠都會陪住我...

但係今日oral堂完左之後我問自己,

點解你中意琴但係唔可以比心機去學好佢?

如果我係前2年考既而家就唔洗咁辛苦,

我真係好自責,我浪費晒爸媽咁辛苦搵黎既錢...

我而家只係知道如果我仲唔發奮一定考唔上,

呢個我知...

返到屋企開電腦,

點知壞埋-0-點解要咁對我?

好彩表哥幫我救返佢,唔該晒表哥!=]

電腦整好就到電話壞,

阿爸一心諗住幫我更新部電話,

點知咩都刪晒,我真係勁傷心囉,

仲對阿爸發脾氣,對唔住呀...

5千幾個信息又要由零開始,

唉...

點解我今日會咁嫁?

我真係唔明點解......./_\