去韓國之前, 先上網看一下有什麼注意事項.
睇睇下, 發現好多人都話去韓國時要租電話.
原因係韓國的電話同香港的電話制式唔同, 所以就算買電話卡都未必用到, 而且聽講好難買到電話卡.
我覺得租電話都幾好wor,
1. 係香港慣咗日日都有得上網, 去咩地方都要係fb check in一下.
而租電話有個好處就係你可以租到iphone而且有無限上網plan, 想幾時係fb check in都得.
2. 我去旅行時一定要打電話返香港同屋企人報平安, 同埋隨時要聽到屋企人打黎的電話.
而係韓國要聽電話返香港得漫遊同埋Home Direct 2種方法, 打電話就可以用IDD.
不過呢, 用漫遊同Home Direct 聽電話就似乎貴咗少少.
我係數字台的Fans,
用漫遊大約HK$14 - HK$18/分鐘, 要視乎係韓國用咩網絡.
(係韓國時電話可以set手動選台, 選olleh kt會平D)
Home Direct比漫遊平d, 大約HK$11/分鐘.
咁租電話打同聽要幾多錢呢?
就講下d租電話的基本資料先啦:
韓國主要有3間電話公司提供租電話服務.
(*按圖直達官網)
  
接聽/打出電話方面:
1. 接聽係唔洗錢的
2. 韓國-->韓國 大約 HK$3.6 - HK$4/分鐘
3. 韓國-->香港 大約 HK$6.35/分鐘
一睇就知平過漫遊同Home Direct好多啦.
押金方面:
3間公司都係要俾 $700,000won (~HK$4700) 做租電話押金
可能你會諗:
"Wa! 好貴wor!!" (其實唔係, 押金會係你還電話的時候會全數退返俾你的.)
"咁咪要換好多韓幣去借電話?!" (押金可以用信用卡俾的, 如果你還的電話無問題, 係唔會真係扣錢的)
租電話費用方面:
olleh kt: HK$20/日+ iPhone (HK$34/日) [無限上網]
SK telecom: HK$20/日 + iPhone (HK$40/日) [3G, 1gb/日]
S Roaming: HK$43/日 [iPhone 無限上網]
租電話地點方面:
仁川國際機場 一定有得租.
至於韓國其他機場有冇得租, 就要上網睇清楚喇.
同埋可以係A機場借, B機場還.
搵咗咁耐資料, 我決定都係租電話用好d.
不過因為今次的旅程我係去釜山先, 再由首爾返香港, 所以就揀咗 olleh kt租電話.
依間公司係金海國際機場有得租iPhone之外, 電話費都比較平d.
租電話方法:
可以網上預約, 官網寫出發前3日預約.
不過我認為最好 早一個星期預約, 因為預約咗都要等1至2日先會收到confirmation e-mail.
同埋出發前收到confirmation e-mail, 到時辦理租電話手續會快好多.
而且confirmation e-mail會寫埋你借o個部電話的電話號碼, 你可以早d話俾屋企人或朋友知.
想知我去到韓國租電話發生咗d咩事, 就睇下一個post啦~
|
