以前經常聽朋友講, 風月堂的waffle好好食, 所以我們點的都是waffle~哈哈.

玉桂鮮果鴛鴦夾餅 $50
真的好好食.
Waffle又熱又脆, 配朱古力雪糕加cream超級好食.
而且雜果好甜, 跟朋友一邊吹水一邊食, 感覺非常好.

不過去食lunch之前, 要返一返酒店, 因為係Lotte Mart實在買咗太多嘢, 要放低先~
放低晒係Lotte Mart的戰利品之後, 我地就搭Metro出發去Myeong-dong Station 明洞驛 (명동역).
出閘之後, 我地就聞到D香味.

DeliManjoo (델리만쥬)


DeliManjoo (델리만쥬)係一種粟米形的燒餅, 裡面有吉士醬的.
我以前係香港食過, 超好食.
聞到好香, 所以我地就買咗黎食喇.
(食lunch之前, 已經食緊第2餐, 肥死喇, 肥死喇!!)


一粒粒小粟米, 熱騰騰的
價錢又唔係好貴, $2,000 won 一人份量大約12個, 中份量 $3,000 won, 大份量 $7,000 won.
我地一陣又去食lunch, 所以只係買咗一人份量share.


好多吉士醬呀~
熱騰騰時食係最好食的.


我唔識日文, 唔知d紙寫咩, 不過我諗係d客人讚DeliManjoo好食掛~哈哈


我一邊食住DeliManjoo, 一邊行.
其實明洞都幾多人行喎, 有好多都係香港人tim, 成條街都人山人海.


我地終於搵到Myeongdong Gyoja 明洞餃子(명동교자) 喇~
香港好多旅遊書都有介紹, 所以我地要黎試下係唔係真係咁好食先!
係餐廳外面真係有好多人排隊囉, 大部份都係旅客~


我覺得係度食嘢同出面d餐廳好唔同:
第一, d waiter好忙, 做嘢同出食物都好快;
第二, 落完order, waiter會同一時間收錢.


不過一樣的係, d泡菜可以任食的, 但係好辣.


Chopped noodles (칼국수) ($8,000 won)
我覺得味道ok, 唔辣, 但我嫌佢普通咗少少.
不過個份量好大呀, 大到食唔晒, 撇個角度黎諗其實係幾抵食的.


豆乳冷麵 (콩국수) ($8,000 won)
是期間限定的, 見佢咁特別就試下啦.
成個湯都係豆乳黎ga, 不過就唔係好啱我同Joyce的胃口, 覺得d味道怪怪地.


依個先係主角: 明洞餃子 (만두) ($8,000 won)
好多餡, 好多肉, 一口咬落去係覺得好滿足的.
味道都唔錯, 不過如果d餡可以juicy d就好喇.




整體黎講, Myeongdong Gyoja 明洞餃子(명동교자) 的麵同埋餃子味道都ok的, 唔會係難食的.
但係, 我又唔覺得佢值得我排隊去食.
不過, 每個人的口味都唔同, 可能你地去食的時候會有唔同睇法呢~


(待續......)


景點資料:
Myeongdong Gyoja 明洞餃子(명동교자)
Seoul-si Jung-gu Myeongdong 10-gil 29 (首爾市中區明洞2街25-2)
Tel: +82-2-776-5348
營業時間: 10:30 - 21:30
休息: 農曆新年、秋夕
Website: www.mdkj.co.kr

到咗第5日, 我地已經唔想再去Shopping買衫同埋化妝品喇, 改咗去行"Lotte Mart".
"Lotte"依個字,韓國到處都見到, 而Lotte Mart係首爾都有好多間ga.
我同Joyce只係搭KTX o個日到過首爾驛, 所以今日要去首爾驛o個間, 順便周圍行下~
究竟Lotte Mart有咩行呢?
我真係好期待呀~!!

一出首爾驛(서울역), 就見到好多少攤檔.
有好多嘢賣ga, 衫、褲、鞋、襪, 甚至連遮都有, 好多都有折ga.
不過我就冇咩興趣喇~haha


Lotte Mart (롯데 마트) ~We are coming!!


Wa, 裡面真係好大, 咩都有得賣.
(我之前仲以為得嘢食賣tim~哈哈)

等我玩下嘢先~
I am Hulk!!


原來依度都有依隻識講嘢同埋點頭的公仔, 哈哈~


仲有衫賣ga~


行行下肚餓tim, 去Lotte Mart Food Court食d嘢先~

鍋貼
味道一般，同係香港食o個d差不多.


韓式魚蛋
第一次用竹籤食長條形的魚蛋~不過魚蛋冇咩味...


Food Court, 附近就係賣麵、餅乾、紫菜的地方。
食完嘢, 第一時間梗係去掃貨啦, 順便掃埋手信~嘻嘻
依度有好多牌子的紫菜賣, 不過紫菜價錢都係同香港買差不多, 但一場黎到, 我都買咗一pack拎返香港食。
之前又聽Friend講Market O 的朱古力同埋餅乾好食, 所以都賣咗一d當手信.
個Package勁靚呀~


近收銀處有個小溫室, 係我第一次咁近睇d種緊的溫室菜咋.


我同Joyce係Lotte Mart又大豐收喇~哈哈
不過我地冇帶環保袋, 又唔想俾錢用膠袋喎, 點算好呢?
Lotte Mart係收銀o個邊有好多不同大小的紙箱、繩、膠紙俾客人Pack貨品, 真係好方便呀.
Pack完又可以直接寄埋返香港tim.

出咗Lotte Mart之後, 見時間尚早, 周圍行下先~
舊首爾驛
好靚呀, 我比較鍾意依種建築風格.


前面就係搭KTX的首爾驛喇.
點解有咁多鴿ga?


我覺得d鴿成為咗依度的奇觀~哈哈


係時候去食Lunch喇, 食咩好呢?


(待續......)


景點資料:
首爾驛-Lottle Mart (서울역-롯데 마트)
Seoul-si Jung-gu Bongnaedong2-ga 122 (首爾市中區薘萊洞2街112)
Tel: +82-2-390-2500
營業時間: 10:00 - 24:00
休息: 農曆年初一、中秋節
Website: www.lottemart.com

依度亦有好多商場同埋化妝品店, 真係行幾個鐘都行唔晒呀~
MISSHA, Skin Food, Edute, Innisfree, The Face Shop...都係晒依度.

行去搵嘢食喇.


Wahaha~!
朴有天呀~~
其實我唔追星的, 又唔會話好鍾意好鍾意邊個韓星.
不過呢, 最近睇緊一套韓劇: 屋塔房王世子 (옥탑방 왕세자),
我覺得好好睇, 又覺得朴有天幾靚仔, 所以見到佢的banner, 都走去影返張相先.


梨大購物道
見唔見到左邊有隻粉紅色高跟鞋?
依隻鞋係梨大的地標黎的, 好多遊客都會同依隻大鞋合照.
哈哈, 我就冇去影到.
依度好多衫賣ga, 價錢同弘大o個邊差唔多.


我地一直行去新村方向, 返新村o個邊食Dinner.
其實梨大附近有好多嘢食ga.
當然, 依度係比較多韓式食店, 例如: 韓燒、韓式拌飯、韓式冷麵...


今晚我同Joyce都想食韓燒.
不過韓國比較多韓燒餐廳會分專門只食牛肉的, 豬肉的, 雞肉的餐廳,
而我又唔係好食牛肉, 所以我地search咗好耐先搵到依間韓燒餐廳.
우리풍천장어•꼼장어


依間餐廳我地之前係唔係好敢入去ga, 因為出面有好多人飲酒.
不過實在太肚餓了, 唔諗啦! 就入去食啦!
有好多韓燒食材選擇呀, 有鰻魚、牛肉、豬肉等等.
同埋唔洗怕唔識韓文唔識叫嘢食, 依度有侍應識普通話ga~


我地今次就揀咗燒豬肉.
依度的燒肉都好特別的, 係醃好晒的.

另外, 係韓國食韓燒, 爐上面一定有個抽煙機.
有爐係上面抽煙, 身上就唔怕有燒烤味啦~


睇一睇d前菜先.

石鍋蒸蛋
我好鍾意食依個蛋, 好滑.
上枱時仲係滾的.


依個芽菜湯真係不得了.
無色, 我以為係清湯, 點知....
個湯勁辣!!
我因為好口渴, 所以好大啖咁飲, 咁就中伏了.
勁到即刻咳, 同埋流眼水.
真係畢生難忘~哈哈

菜
有少少辣, 就咁食又得, 包埋肉一齊食都得.


以下兩款醬係用黎點燒好的肉.
我覺得兩款醬味道差不多, 有少少辣.




菜
依d菜係用黎包住d燒肉食.
係任食的, 你食完, 侍應會再攞過一碟俾你.

網下面係炭爐黎的.

豬肉 ($9,900 won/份)
份量上係有規定的, 我地有兩個人, 所以一定要叫兩份或以上的肉.

因為用炭燒的關係, d肉好香.
而且d肉醃過所以唔洗點醬都好好食.
用菜包住食, 好似冇咁熱氣tim.
Yummy! Yummy!