依段時間係Mid-Term Test高峰期.
本來有返part time的我, 因為Mid-Term就黎, 都冇再返喇...
(對我黎講Mid-Term係一樣好恐怖的嘢, 所以要一心一意, 放好多心機落去先得)
不過Mid-Term還Mid-Term, 都要食嘢的.
特別係依d時期咁辛苦, 一定要搵d好嘢食鼓勵下自己

今次就同friend去咗丼丼屋食堂食喇.

我個friend腸胃唔係好舒服，所以想食清d.
所以我地叫咗溫泉玉子冷烏冬 $30
個價錢唔算貴, 同埋味道唔錯.
d麵條好粗, 好彈牙.

唔好睇佢好似好dry咁, 得個麵.
其實仲有配埋溫泉蛋+木魚和昆布味的汁.

睇下個溫泉蛋幾靚~
個麵加汁已經好正, 配埋蛋汁, 真係好正好滑.

另外我地仲叫咗個滑蛋雞肉丼 $48
我覺得依個飯就一般咗d.
d蛋係滑, 但d雞肉有d老, 唔夠滑.

食咗咁多嘢, 叫返杯嘢飲先~
黑糖菊花雪梨蜜 $20

我friend話幾好飲~唔會好甜.





食飯點可以冇甜品呀~哈哈
北海道雪糕新地-鮮菓新地 $38
我覺得味道唔差, 同出面食o個d軟雪糕差唔多.
不過就好快溶...
Anyway, 食完飯食下雪糕個人都開心d.


Nice Dinner~~


丼丼屋食堂
屯門屯隆街3號屯門市廣場一期2樓2162號舖

  今日放假，約咗個fd出去尖沙咀唱K.
唱K之前要醫下肚先.
今次去The One的金牌小龍食飯，之前我個fd去過話幾好食.


會唔會係因為今日係年初二，所以冇咁多人呢?

成間餐廳都設計得幾靚，同埋冇咩人，可以靜靜地傾下計，唔會好似酒樓咁嘈.

龍年出街食的第一餐竟然係同龍有關~哈哈

等左唔係好耐就有嘢食喇.
菜肉包+鮮肉包

菜肉包
好多餡，好好食.
味道唔係好鹹，岩晒我口味.

鮮肉包
好大舊肉，好多肉汁，好正.
不過我都係鐘意菜肉包多d.

蝦肉雲吞
d皮好薄，饀的味道好似小籠包，都幾好食.
個湯就冇咩特別.

八寶飯
顏色很鮮艷，味道甜甜的，很特別.
我鍾意食上面o個d豆，好甜.

飯內有乾坤，有豆沙餡，好好食.
不過食完好濟...

豆豉涼瓜
我平時好少食涼瓜，因為怕苦.
但依個涼瓜唔係好苦，甘甘地，都ok.
如果有埋飯就最好喇~

排骨湯麵
我唔係好夠飽，所以叫個麵食下.
麵的湯同蝦肉雲吞的湯係一樣的.
d麵都普通，唔係好彈牙.

反而排骨表面睇黎好似好油咁，但食落原來唔係咁油，又唔會好乾，岩岩好，幾好食.

最後依個係赤豆鬆糕.
見佢個樣平平無奇咁，原來都係內有乾坤，有豆沙餡，甜甜地.
不過我覺得個鬆糕有d乾，感覺好似食緊好乾的馬拉糕咁.

最後埋單每人太約$110，價錢都ok.
下次可以再試下其他嘢.
我見有好多人都叫小籠包，下次應該要試下.

金牌小龍
尖沙咀彌敦道100號The ONE 4樓404-405號舖

第一次去長洲，好期待呀~
今次約埋一班fd去長洲食食食，好開心~

d牌的顏色好特別，長洲有好多宣傳牌都係用咁嘅色.

我地長洲美食團第一站: 甘永泰魚蛋
好多人排隊呀，同埋d丸係新鮮炸的.

哇! 熱辣辣的蝦膠豆卜 $10
岩岩炸好，超香口，好脆.
食的時候脆到有聲ga~

四寶丸 $10
我好貪食，隻隻丸都想試下，所以叫四寶丸喇.
第一粒係白魚蛋，第二粒係蝦丸，第三粒係墨魚丸，第四粒係鯪魚丸.
我覺得隻隻丸都好彈牙，不過白魚蛋係最好食的.


接住我地去第二站: 反斗奇冰
食魚仔餅 $7.
有紅豆同埋奶黃兩隻味.

我兩隻味都買晒.
又係即整的，熱辣辣.


食奶黃魚仔餅先，冇想像中咁甜，食完唔會好濟.
熱辣辣食好好食.

紅豆魚仔餅，好多餡，好好食，都唔係好甜，味道岩岩好.

途經有中國特色的匯豐銀行.哈哈.

第三站: 天然甜品.
食甜品先.
聽講依度最出名係糯米滋，所以我地每個人都叫咗好多香芒糯米滋.
依間甜品店有個好處係糯米滋可以先落單後外賣的，但最少係買6件糯米滋，9:30p.m前攞走就得.

香芒糯米滋 $5

好大舊芒果，超級好食!
仲要係獨立包裝，食的時候唔怕污漕.

朋友仔叫的甜品:
雪糕楊枝甘露 $18

伏苓膏 $8

我叫的薑汁撞奶(熱) $14.
好勁薑汁味，好辣.
天氣凍好岩食，食完暖粒粒.


我地諗住行去東灣泳灘，竟然俾我地見到有好嘢食.
第四站: 為食堡
好多人排隊買生煎鍋貼 $10/3.

不過食完覺得冇咩特別，好普通.


旁邊仲有日式雜菜餅 $17.
第五站: 漢那廚房

賣相幾靚，味道都好好.
我係第一次食日式雜菜餅，依個雜菜餅俾我的印象唔錯.


好靚呀，我好鍾意d字的pattern.

因為鋪頭關咗門，所以我地買唔到沙灘蓆，唯有去旁邊的球場坐下吹水啦.

 

幾靚


吹完水，就繼續去食! 

第六站: 故鄉茶寮
個Menu顏色好吸引.

 
好cute~哈哈

間鋪頭Design好特別，好有懷舊feel.

腸仔蟹子手卷 $16
紫菜好脆，我覺得腸仔換成芝士腸可能更好食~哈哈

第七站: 時來食坊
食串串燒先~


煙鴨胸串燒
即叫即燒，好好食呀

我地仲買埋碳燒魷魚 $40
好好食!
見住鴨胸串燒同埋碳燒魷魚一齊燒，d油流落去魷魚上面，真係好香~~

日落了.

我地食到好飽，周圍行下先，再去食Dinner.

第八站: 潮發餐廳菜館
豉椒炒蜆
味道一般啦，同埋殼多過肉.


蒜蓉粉絲帶子
味道都係一般.

 

蒜蓉炒菜心


椒鹽鮮魷
依個幾好食，但都係好普通. 

 

咖哩炒蟹
好香咖哩味，汁可以用黎撈飯.

 

蒜容蒸開邊蝦

 

 

生炒骨
酸味岩岩好，好開胃.

食完Dinner，我地又去食甜品.
第九站:師妹甜品
依度最出名係火焰雪山，梗係要試下啦.
火焰雪山黎之前，成間鋪都熄晒燈，幾有mood.
一放上枱就淋酒，成個火焰雪山著晒火，好靚.

火焰雪山 $29
好香酒味，好好食.
上面暖暖地，下面雪糕凍凍地，好特別.

檸檬疏乎里 $19
哈哈，第一次食疏乎里，原來係咁嘅味.
食完好似冇食咁，唔知食緊d咩.
好彩我食叫檸檬味，如果叫原味仲似冇食嘢.
仲有薑汁疏乎里揀ga.


心太軟 $28
好好食，食完好想再叫.
甜味岩岩好，我好鍾意.

第十站: 宵夜檔的生菜魚肉 $13
碼頭附近有好多宵夜檔，大約9:00p.m先開.
我都係第一次食生菜魚肉，幾好食，但d水好似多咗少少.
魚肉好彈牙，好正.

其實我已經好飽喇，但難得黎到長洲，梗係要食多d啦，走之前都要買依個生菜魚肉上船食.
真係好滿足.


1. 甘永泰魚蛋
長洲新興街106號地下

2. 反斗奇冰 Toy Store
長洲大新海傍道75號地下

3. 天然甜品 Tin Yin Dessert
長洲大興堤路9號海景樓C座地下

4. 為食堡
長洲建新里10號海景樓B座地下

5. 漢那廚房 Kanna's Kitchen
長洲建新里5號地下

6. 故鄉茶寮
長洲教堂路17號地下

7. 時來食坊 Welcome Food Court
長洲新興後街150號地下

8. 潮發餐廳菜館
長洲北社海傍路13C地下

9. 師妹甜品 Katie Dessert
長洲建新里12號地下

 我Best fd去完日本旅行之後帶手信俾我，所以就約出黎食晚飯喇.

今晚放咗工之後就去沙田新城市廣場搵佢.
我地決定去新開的餐廳:BO-LO’GNE Café & Bar，試下新嘢.
我地未入去之前，以為係一間普通一間食西餐的餐廳.
入到去之後聽到waiter用日文講"歡迎光臨"，我地先知原來係日式西餐廳.

大約6:00p.m就入去坐，所以無咩人.
Waiter好有禮貌，一入去就幫你拉櫈，好有笑容.
個Set Dinner Menu一開會光的，揀餐都揀得開心d.

我揀咗Set Dinner的Main Course A.
依個係Salad.
Salad幾好食，上面啡啡地色係洋蔥蓉，配埋d菜食好fresh.

煙肉洋蔥湯
個湯其實都幾油，可能係煙肉的問題，同埋我覺得咸咗少少. 

白汁燴飯伴香煎雞扒
個飯好Creamy，好好食.
個雞扒好大塊，食到我好飽，哈哈.


依個汁好有奶味.
本身個雞扒有d油，但點咗個汁之後變得好好食，冇咁油.

甜品: 雪糕三文治
feel到隻碟好凍，個甜品一黎到就要食，如果唔係d雪糕會溶，溶咗就唔好食.
頂層脆多士上面係Toffee，甜甜地.
其實我有諗過一口食咗佢，不過我個口冇咁大，一口食唔到.哈哈.
我就一層一層咁食.
個3層多士好脆，連埋雪糕一齊食，又軟又凍又脆，口感好正!

熱咖啡
好香的咖啡味，味道偏苦.
配埋2塊脆多士tim.
一口脆多士，一口咖啡，好正.

依個係我個fd的拿破崙意粉Set: Salad, Soup, 丹麥麵包.
加$49就可以轉個Set.
任選兩款 (沙律、餐湯、飲品、甜品)，我地揀咗沙律&餐湯
個Salad同我o個個差不多.
但個湯酸酸地，好好味，比我o個個冇咁油，好開胃. 

丹麥麵包係依間餐廳最出名的，好軟好好食.


拿破崙意粉
我冇試過，要問我個fd先知好唔好食喇.
不過賣相幾靚. 

 

好滿足呀，waiter又有禮貌，整體黎講d嘢食都好好味，waiter又有禮貌，食得好開心. 

BO-LO’GNE Café & Bar
沙田正街18號新城市廣場1期1樓112號舖

  2011年的最後一日,
難得唔洗返工,
就約fd出去食下嘢,
吹下水啦~

本來係諗住去九龍站The Ritz Carlton, Hong Kong 香港麗思卡爾頓酒店食Tea,
可能放假太多人喇,
我地去到已經冇晒位,
唯有去尖沙咀睇下邊度有Tea Buffet食.

我地一落車就見到Marco Polo Gateway Hotel的Coffee Mill有Tea Buffet食,
咁不如試下依間喇.

入到去Marco Polo Gateway Hotel,
要行樓梯落去先搵到Coffee Mill.

 

好肚餓呀,
即刻去攞嘢食先~


有好多嘢食呀,
有壽司, 三文魚刺身, 點心(e.g 叉燒包, 魚肉燒賣), 炒飯, 炒麵, 中式糖水(e.g 綠豆沙, 腐竹雞蛋糖水), 各式三文治, 好多好多用朱古力做的甜品...

好多好多三文魚呀~

不過熱食的選擇比較少...

依個幾好食,
不過唔知叫咩

每枱都送一個朱古力火鍋,
不過個火好少,
D朱古力唔係好熱...

剛剛好每人一塊.

食到咁上下,
開始食甜品喇
依個窩夫可以自己選擇落咩醬,
有蜜糖、煉奶、香蕉、果jam、Cream等等...
好好食~

好多朱古力甜品呀~

我仲以為依個雪人都食得tim,
哈哈

係咁多選擇之下,
我揀咗5款試.

依個要同埋D Cream一齊食先好食~

依個Chocolate Pudding好重Coffee味,
都幾好食~

依個Chocolate Pudding 係my favourite,
超好食
好重朱古力味.

仲有雪糕食tim,
有朱古力同埋雲呢拿(Vanilla)兩味揀.


今日好開心呀,
食咗好多嘢,
好滿足

各位朋友,
Happy New Year!!
Happy Happy 2012~!!