Wow, 今日要8:00a.m 起身喇.
因為要搭KTX去首爾喇~~
我地尋晚先去Dongnae Station (東萊驛)買KTX ticket, 好彩買到.
因為星期六、日去首爾的KTX都好full, 好多人會來往釜山同首爾.

我地係Jenny屋企食完早餐之後, 就搭的士出發去KTX Station.

KTX Station
依度有分搭Metro同埋KTX的入口, 千祈唔好去錯.
KTX入口有寫幾點車係邊個月台上車, 同埋上得車會有signal, 所以要睇清楚呀.


等我睇下我幾點車先.
我地12:00要上車, 14:41會到首爾, 都大約要3個鐘.

 

未夠鐘上車, 可以坐下先, 仲有電視睇tim.

我地今次係坐第1卡, 行咗好耐先到.


Lotte Cinema車卡
第1卡好特別的, 係唯一一卡有電影睇的.
當然價錢就比普通卡貴少少啦. ($61,400 won)

上車啦~~
Wow, Seoul, we are comming~!!


上面白色的, 就係screen. 開車冇幾耐就有服務員將佢放落黎, 之後就有電影睇.
雖然有電影睇, 但全部都係韓文的, 都聽唔明. 哈哈~
同埋搭KTX最好唔好帶大件行理, 因為行理冇位放地下的, 要放係上面ga.
而且上面放行理的位都唔係好大.

訓醒又訓咗又訓, 終於都到喇~Yeah!!

到咗首爾, 第一時間梗係去酒店check in先啦~



(待續......)

今晚Jenny的Daddy & Mammy帶我地去食韓式藥膳.

貞林 Korean Traditional Vegetable Restaurant (정림)

依間係釜山其中一間有名的韓式藥膳餐館.


全間餐館都係好有韓國傳統特色.


唔好以為藥膳就係人參燉雞或者其他藥材食品.
其實食完就知, 依餐藥膳唔係咁簡單.


依間餐館有好多年歷史, 係由韓國傳統的屋改建而成.

餐館內外都保留住傳統特色.
以前的韓國人就係用依D金碗食飯的.

餐廳有好多傳統擺設.








同埋依度食嘢係要坐地下食的.
枱上面的紅色墊係for客人坐地下的, 等客人坐得舒服d.


好喇, 影完相, 係時候坐定定食嘢.


首先黎的係餐前小食.
左: 泡菜包; 中: 毛豆; 右: 韓式sushi
泡菜包 & 韓式sushi可以一口食, 味道淡淡的, 幾好食.
而毛豆我就第一次食, 哈哈, 唔知點食.
原來係剝開毛豆的外皮, 食佢裡面綠色的豆, 幾得意.

南瓜羹
依個羹係甜的, 好濃南瓜味.
不過味道可能唔係個個鍾意, 但我就幾鍾意.

餐前小食二
好有藝術感, 靚到唔想食佢.
依個係岩岩好一人一件, 一定要成件食.
哈哈, 食完唔知點形容個味道, 幾特別.

餐前小食三
右邊的碟上面有6種食材.
究竟點食呢?
原來係將其中5種食材絲放係圓形食材的中間, 再包住食.
又係一口食晒, 幾得意.


餐前小食四 - 泡菜
紅色的泡菜我地平時就見得多, 同埋都係辣的.
原來韓國有好多唔同的泡菜, 未必全部都係紅色同埋辣的.
依4種都係泡菜黎, 唔辣ga, 不過係出面就未必有得賣, 會少見d.
可以當普通菜咁食.


前菜一 - 沙律
d蔬菜係香港未見過的.
味道普通啦, 不過d菜係有醫療功效, 食得多係對身體好ga.


前菜二
哈哈, 食咗咁耐終於都有肉食喇.


前菜三
依個好食, 鹹鹹地咁.


前菜四
依個菜就簡單d, 食材全部冇醃過.
主要係食醬的味道.


前菜五
好靚呀, 我覺個樣好似麻將咁.
我食的係黃色的, 係蛋黎ga.
而紅色的, 好似係肉黎.

韓式拌冬粉
依個好好食, 不過可能普遍d, 係香港都有得食.


韓式pizza
口感黏黏地, 綠色的係唔辣的, 但紅色的係辣的, 黃色的係蛋.

豆沙餅
依個係甜食, 好好食, 口感又係黏黏的.


韓式五花肉
係韓國食五花肉同香港好唔同, 香港係燒完就成塊肉咁食, 而韓國食五花肉係會用菜包住d肉咁食, 會冇咁油.
不過依個五花肉都唔係燒的, 而係烚的.
食的時候首先要揀一片菜, 菜上面放肉, 泡菜, 辣椒, 再放醬, 包住食.


依個魚好滑, 要配埋飯食的.


韓式羅漢齋
比中式羅漢齋多汁d, 但味道係一樣的.


鰻魚
同粉紅色的酸薑一齊食會好食d.

韓式天婦羅
左至右: 菜、菇、蝦、紅棗、南瓜


食到依度, 大家都飽喇, 但仲未上完菜.

小食
有辣椒、翠玉瓜、泡菜、蓮藕、魚仔...
我最鍾意食魚仔, 配埋飯食, 超好味.

泡菜


泡菜+蘿蔔絲

魚
配埋飯食好好味.


差不多最後先上飯.
依個飯除咗米, 仲有豆, 味道甜甜地, 黏黏地.

海帶湯

食到最後, 終於上甜品喇.
左邊的糕點, 口感係黏黏的, 好似硬身少少的糖不甩咁.
有d係原味, 有d係豆沙味.


茶
除咗糕點, 仲有茶.
依個茶係甜的, 好似糖水咁.

我地今餐真係食到好飽, 好滿足, 全部都好好味.

食飽飽, 返Jenny屋企lu~~

一路行都見到好多傳統擺設.

不過走的時候, 要著返鞋, 依個就有d麻煩喇.
(入餐館前要先除鞋, 放係個櫃度先可以上去食飯ga.)

(待續......)


景點資料:
貞林 Korean Traditional Vegetable Restaurant (정림)
부산광역시 동래구 소안동 460-3번지

今日係係釜山的第二日.
我地個個都好晏先起身.
我地起身之後, 就搭Metro去Jenny屋企.
坐咗一陣, Jenny俾咗一樽嘢我飲.
依樽係酸奶, 好似乳酪咁.
好好飲呀, 但係香港冇得買.

之後我地就去咗食Lunch.
국제밀면-법원점
依度係食韓式冷麵.

我地可以揀坐櫈或者坐地.
我地唔係好慣坐地, 梗係揀坐櫈啦, 舒服d.

唔好以為依d係茶或水, 其實係湯.
暖暖的, 鹹鹹的.

白蘿蔔片
食的時候有種清新的感覺.


韓式冷麵有分兩種, 以下係有湯的. ($5,000 won)
有湯的會凍d, 因為有冰, 同埋冇咁辣.
食之前可以用剪刀將d麵分成一半, 咁食會方便d.
Mix埋佢食就ok喇.

依個係冇湯的.
就會辣少少，不過我幾鍾意.
不過對我黎講真係辣, 哈哈.
飲咗好多湯, 都係覺得辣.
但好好食.
同埋如果覺得辣, 可以食D白蘿蔔片, 同埋可以清清口氣tim.

食完韓式冷麵, 去附近買杯香蕉奶昔 ($2,000 won) 飲下先, 解下辣.


跟住我地就去咗Jenny朋友的屋企坐.
因為我地一陣會去Shopping啦~Yeah!!
佢朋友屋企好高ga, 可以望晒附近d景.

Yeah!! 出發去Shopping lu~~
今次我地係搭 111號巴士.
搭巴士都係用Cash Bee的.

依度就係我地Shopping的目的地: Seomyeon 西面 (서면)
除咗搭巴士, 都可以選擇搭Metro.

成條地下街都係賣衫同埋護膚品/化妝品.
護膚品牌子有Too Cool for School、Innisfree、Etude House...
我覺得d衫的價錢唔算平, 同香港差不多, 而款式都幾靚.
但係依度買襪就係好平好平, $1,000 won 一對, d款式好cute好靚.
而我地就係Too Cool for School買咗好多化妝品, 仲有8折, 同埋買多過$30,000 won 可以免稅tim.

行咗3個鐘, 差唔多要去食飯喇.
唔知今晚我地食咩呢?


(待續......)