美食展的一天：

嘩嘩！今日一起身，就好期待美食展既來臨啦！但係左等右等，等左好耐都冇人打比我！

之後，兩點幾既時候，我阿哥話要遲ｄ先去到！

等到成四點鍾，終於有人黎接我啦！同人地個女玩左一陣間，到啦！美食展呀！

我見到個好似雪榚既物體，行左過去買，點知原來係乳酪黎嫁！

諗住個分別唔會好大，咪買左囉！點知一食落去呀，嘩！嘔咁滯呀！

我呢個係mango味！已經算好嫁啦！但係我阿媽個fd啤梨媽佢揀左個士多啤梨，佢話難食到爆！

終於搵到阿哥啦！原來我地行後ｄ就有雪糕買嫁啦！嗚嗚！真慘呀！

我阿哥買左個雪糕，佢知我買左個好難食既野，佢係我面前話：嘩！D雪糕好好味呀！

真係激暈我啦！行到好悶呀！真係唔係好想行呀！忽然間肚餓，係喎！我成日都未食過野嫁！

算啦！陣間食晚飯先食啦！行完個美食展之後！我地去左食火鍋！係間酒樓入面食！

係咁比人串！算啦！食完之後就返左屋企啦！所以呢一日就完左啦！

悶悶的一天：

呢一日，我起左身之後咳到想嘔，但因為我未食野，所以嘔唔出！

之後煮左個米粉食！係度睇電視同做左一陣間運動！

又係睇電視！唉！唔講啦！都冇野講！

哈哈！海洋公園之旅：

我今日七點幾起身，之後落左去食早餐！開始出發！

嘩！真係誇張呀！我地搭地鐵去到金鍾，之後諗住轉巴士！勁多人呀！排左幾個字！流哂汗呀！

終於都搭到巴士啦！係格巴士度係咁咳！無啦啦有個人同我表哥講野！但係唔識嫁！

佢地教左我地一個行程！不過，又真係好洗好用呀！

我地一去到海洋公園！首先，我地去搭呢個勁長既電梯！嘩！搭左四次先上到山！真係好悶呀！

我地終於上到山！首先，直衝去水母館！嘩！唔洗排隊呀！正！

入到去，Ｄ水母真係好靚呀！影左幾張相！

睇完啦，之後去左鯊魚館，嘩！Ｄ鯊魚好特別呀！又影左相！再去海洋館！

Ｄ魚勁多唔同款呀！仲見到海龜添呀！有魔鬼魚呀！連雞泡魚都見到呀！哈哈！

見識到好多好特別既魚呀！比佢地謀殺左唔少相機電呀！

連呢個都睇完啦！我地去左玩幸福摩天輪！

我表嫂佢有畏高！佢一上到去即刻捉住條柱！好搞笑呀！

之後，為左令佢可以分心，我同我表哥不停講野！

表哥扮海獅拍手呀！笑到我呀！之後，我地去左玩過山車！老實講呀！我排排下隊！見到Ｄ過山車行既路！

真係有Ｄ唔想玩呀！但我又未玩過！無理由唔玩嫁！

好，一於玩！上到車！已經好驚啦！嘩！我原本都夠膽開眼睇嫁！

但佢一行我就覺得我會好驚！之後我合埋眼！佢第一個落斜，我就開始嗌！

嗌嗌下！因為佢有幾個位係反轉嫁！嘩！我嚇到呀！比佢Ｄ壓力禁到個頭低左！

玩完之後，我真係唔會再玩呀！真係又驚險又刺激呀！

我地去玩個個(千秋)！我表哥冇位座！所以冇玩呀！開頭佢升上去轉第一個圈我有少少驚！

但係之後都唔驚！我有張開隻手呀！哈哈！

我地再玩個跳樓機，嘩！真係好驚呀！

我坐左張凳！已經有Ｄ後悔既感覺！佢升到上最高，我已經話：不如放番我落去呀！我好後悔呀！

之後，我大概聽到佢想落去，BOM一聲就跌落去啦！但佢唔係即時到地喎！

仲要係上下上下多幾次先停！我差Ｄ行唔到路呀！

之後個Ｄ都冇咩玩啦！唔講住啦！８８６！