今日起身既時候勁肚餓呀！但係屋企冇野食呀！我又懶得叫外賣，所以唔理肚餓，去左做功課！

之後，做左小測改正同少少綠色份野！收到個電話，我阿姨叫我出去尖少咀約埋另外兩個表姐一齊出去沙田！

去到沙田，我地去左食野！點知比我姨丈係咁幫我作詩！唉！唔想打出黎，一定笑死街坊！

我地去左買ＢＢＱ要食既野！點知用既車仔爛左！我地要買個第二部！好彩仲有一部！但我地要幫手攞住一Ｄ！

跟住同表姐傾計！終於去到我表姐屋企！我地即刻入屋，涼冷氣！正！但係我又諗起ＭＩＳＳＬＡＩ講既野！

算啦！入左人地間房，同我另一個表弟傾計！同佢講左一Ｄ中學既野！點知．．．肥妹居然黎左！

佢二話不說，我既兩個表弟同番薯仔都受到襲擊！真慘！佢冇用對佢地既手法對我！但係．．．

佢咬左我兩下！我即刻想星佢幾巴，不過．．．佢阿媽望住我！我要扮大方，善良同好溫柔同肥妹講你又咬我啦！

係個一刻真係好想星怇！但係，我係大姐姐黎嫁嘛（係佢地面前），我絕對唔可以咁做！

我要忍！番薯仔同我兩個表弟受唔住佢既恐怖襲擊，終於都喊加想死加發癲！我就安然無恙！真開心！

唉！之後既事，都冇咩特別！P.S.我阿哥同我阿姨又狂串我！串到我體無完膚！真慘！

總括黎講，TODAY  is  a   bad  day！今日講住咁多先啦！８８６！