呢個禮拜都發生左好多事呀！！！星期一冇乜特別！

星期二係我係中學第一次做司儀呀！講野既時候真係驚驚地！不過都算成功呀！

起碼冇乜大問題呀！成個頒獎禮都冇咩特別唔如意既事，係支咪成日都唔係好掂咁！

但係我比阿哥串我！佢話我冇獎攞就唔好叫佢黎！淨係睇我上台頒獎！

激到我呀！我咪同佢講囉！咁唔係要攞獎先可以叫佢去嫁嘛！

不果我知佢係講笑！佢特登請左一日假黎睇我做司儀！我前日打比佢問佢黎唔黎得睇我搞到佢差Ｄ比人炒呀！

佢話黎得既時候，我真係感動到想喊呀！唔知點解我真係好鍾意我阿哥嫁！雖然佢成日串我同話我呀！

但係佢疼我我係知既！不過有時候會頂撞佢一兩句既！

星期三，唉！雖然話就話珍珠吹唔正黎香港！但係我仲係抱住一絲希望等佢黎呀！不過咁諗好衰！

因為一打風就會有好多意外，所以寧願唔比佢吹黎！不過琴日練練啦啦隊，嗌到我唔掂呀！

真係唔想係咁嗌呀！好辛苦呀！我表哥又玩我啦！佢特登係ＯＫ換左個春田花花幼稚園既校徽比我！

叫我貼係套校服既校徽上面！激到我呀！你估我而家讀春田花花幼稚園咩？我唔係豬呀！

雖然身型似！今日，上電腦堂，以為自己做好左份功課呀！點知ＳＥＮＤ之後先發現原來做少左好多頁喎！

怪唔之得咁快啦！上家政堂，整蒸排骨！個樣整得嫁好！食落去就咸左少少！但係唔係話好咸！

幾入味呀！但係同我整埋同一碟既同學居然冇咸喎！可能係因為我個食物盒落多左汁！

搞到Ｄ肉索左好多汁囉！今日，去參觀時因為隻腳好痕，所以好大力咁諗住踏落地！點知踏落去既時候覺得好似踩住左咁！

我一睇，原來踏左落中中隻腳度！嘩！我咪係咁講對唔住！講左好多次，差Ｄ想跪地求饒添！

不過佢一味笑！似開心多過痛！但係真係好對唔住呀！中中！

今日講住咁多先啦！８８６！