話咁快又就嚟開學喇，9月1日開始我就係一個中三既學生。時間真係好快哦~來年我就要考TSA喇同諗下中工E要收咩科喇=]係學校讀多5年我就讀完中學喇。
以前岩岩入學既我，見到中學既哥哥姐姐佢地有好多野都可以做，個陣我真係覺得老師好唔公平呀，中學有好多野都得，小學就好多野唔得>.<。所以我一直都好想可以快d讀中學，咁就有好多野可以做喇。
上 到中學，無錯~係有好多野可以做，可以穿耳，電髮、負離子同帶手提等等。但同時都多咗好多野做，要當值、電台、班務、功課同社活動等等。所以真係忙到想 死!!!最慘既係攪到我有好多野都無得做，所以一有時間呢我就會攞嚟做我想做既野喇。例如係宿舍食飯個陣我就會同fd傾計，但又因為咁........攪 到姑娘話我地顧住傾計之後又攪到做其他野唔夠時間=.="唉~!到晚上想同fd傾計，傾得耐又驚畀姑娘話又驚第2日起唔到身，所以都幾麻煩。
講講下好似係度講緊平日係宿舍生活咁添^^"
可 能因為太多野做，時間都過得好快。細個個陣，治療師就叫我努力做運動，咁將來都可以係室內行，出室外就用輪椅。但依幾年治療師就話希望我努力行行到幾多就 幾多，將來就會用手推同電動。就係中二開始，治療師就幫我申請錢買電動喇，佢地話過多幾年我就要走喇依家買差唔多喎。諗諗下我真係就走喇，所以連社工都叫 我搬一間大屋，咁將來我就可以有間d既屋放電動同手推喇=]
係依幾年，我身邊既人都開始為我安排離校之後既野。而我最近都開始諗，我應該收咩科呢??我將來想做咩呢??我能夠做咩呢??我自己搬出嚟住得嗎??依d問題係我腦入面轉呀轉，諗到人都傻。但其實依d問題對我真係好重要，我既將來係點既呢??
除 咗讀書方面，我有時都會同fd傾計個陣係度講笑咁講，將來我地分開咗，你會唔會唔記得我架，之後我就一定話唔會，因為依家有電話喇、msn，有時重可以出 嚟添，點會唔記得呀。但其實唔係架，我同佢地都有機會唔記得對方架。我細個係協康會個陣，有一班好好既fd，但當我離校之後，就再無同佢地聯絡喇。依家諗 返起雖然可以話個陣細個，諗唔到依樣野。但我大過咗都係咁呢，記得我小六個陣，有個讀中一既fd，佢讀埋中一就返以前間學校讀中二，佢走之前個幾日我好唔 捨我佢，我為咗佢喊咗幾日，到佢走個日我重喊緊。之後個段日子，我差唔多日日都打畀佢。如果要返學，我毫星期五打畀佢。但過咗一段日子，我就無再打畀佢， 起初就因為太忙，後來就算得閒都無再揾佢。係之前有姑娘提起佢，問我想唔想見佢，當時我先幾返起佢咋~之後見過佢一次之後，又無再揾佢。係前個排，佢打嚟 揾我，當時既我已經無以前咁好心機關心佢，就算有時得閒有心機，但我都發現自己開始唔明佢諗咩。唉!!
依家係度諗，將來我同佢地分開，佢地會記得我嗎??我又會記得佢地嗎??
我 同佢會點呢??會唔會因為咁感情淡咗，之後就再因為咁而...............。平日同佢去街，傾計呀，玩呀，佢平時又買咁多野畀我。甚至對我所 說既每一個(成)諾，能否對玩呢??雖然我唔介意能否對現，但我所希望既只係佢唔會忘記我，唔會撇低我，個心入面重愛我就足夠喇。即使將來唔會成日見，但 我只需間唔中見得個一兩次唔多。但最緊要係間唔中互相問候一句，關心下就夠架喇。
將來.................我既將來...................會係點呢???