嘩~嘩~嘩~!!!咁快又一年喇~唔知係咪因為人大咗,多野做咗，唔經唔覺09年又開始完喇~今年經歷既野當然唔比上年少喇，但係可能因為時間既流逝，所以有d野已經開始唔記得喇^^”依家我就用我有既小小記憶將記得既事打返出嚟喇~

1月: 一個一個既考試完咗之後，我就去咗姨媽度過咗我既新年~諗返起真係超正~有得食有得飲，仲同表姐過咗好多個談心夜呢~^^

2月:第1次以帶住自己班既同學一齊匯報專題研習既結果，記得係做既個程當中真係有開心，亦有激氣既時候.不過………藉住以個機會，令我學到好多書本以外既野，可以既話，希望以後有更加多d咁既機會喇~

3月:留咗係宿舍生活……….所以無時間打野。

4月:無咩特別………都係”忙”點解??因為我地要為宿舍開放日而準備，無論學校既校長，教職員、工友、舍監、宿舍職員定係學生都為咗依個日子負出唔少，我記得個日真係搞到好大=]*雖然忙，但係有幸出一分力都係好既=]

5月:真係一個超唔開心既5月，因為係依個月發生既事實在太多太多喇~真係唔想以後再有咁既事發生。

6月:又到考試月喇!!正當我地考緊試既時候，香港又發生大件事喇!!>.<H1N1殺到嚟，搞到有好多人都中咗=[其實唔只我地，全世界都因為依隻咁既病突襲而中咗或被隔離。見到佢地咁，我都心痛。不過………正正因為咁，我先見到香港人既愛，大家為被隔離既人送上既祝福，就好似打咗支強心針咁，依樣野真係好值得我地驕傲=]到咗我地考試既最後一日下午，突然聽到走廊D同學大聲咁講”聽日唔洗返喇!!!”開頭真係唔敢相信架，之後我班既同學就係食完飯之後上網睇睇，原來係真架~!!!HaPi!!一考完就放假喇~~~都算係畀我地既一個休息喇~但無幾耐………..校網就將我地既工課打哂出嚟，我又再次工作…………但係今次比起平日輕鬆得多，間唔中仲睇下電影，出街，仲有就係我又去姨媽度渡假喇~@@正!!!

7月:我既渡假到咗12號就返屋企喇~點解??因為…….我多人約囉^^13號開始又係咁出去喇~14號，2週年囉=]記得係前幾日佢發生咗d事，搞到大家都好唔開心，仲差d………….真係估唔到我地發生咗咁多野，仲可以一齊過第2年既714=]希望每一年既今日都可以一齊過。

8月:依個月勁囉~又到本小姐既生日月喇~~今年真係超開心，因為我同我班fd去MK唱k，唱完仲去咗食飯添=]個日又食蛋糕，又食壽包~雖然係生日完之前個幾鐘我撞到個頭，不過……….都好既^^”

9月:好快好快~我地既漫長既暑假又完咗喇>w<新學年，新作風~今年開始我地既文校長就退休喇，嚟咗個新既胡校長，佢個人都幾搞笑架，係開學禮個陣見到佢個種親切感真係唔錯，希望日後可以好好相處~另外，今年起我就係高中生喇~原來高中生活真係有d唔同，比以前睇落好似無咁多野做，無咁忙。但其實老師佢地係希望我地有自學既心，唔知我又幾時先有呢??另外我今年選讀商科，經濟同會計都幾得意既，經濟老師比起係中二教我地通識個陣真係唔同咗，比以前相處得更好。但會計就……….我會努力。仲有一樣喜訊就係………..我同我既好朋友小林，唔係!!係姐妹先岩@@原來相識10年喇^^但願友誼永固~不過，問學無幾耐……我就病咗喇~今次可以話咁耐以嚟既一場大病。我記得係星期五晚放學後，我就開始唔舒服，但係因為忙緊整生日禮物畀佢，於是就諗住整埋先瞓，最後整咗一陣我都係頂唔住瞓咗。到半夜，我就開始唔舒服喇，覺得自己好熱，原來我發燒呀>.<到第2朝一早，我就睇醫生喇~但因為之後我又約咗個fd整野喎，所以最後就帶病繼續整埋份禮物，希望到13號就算我去唔到都有人可以幫我送畀佢喇~點知到咗半夜我又再唔舒服，今次竟然嘔同屙，爸爸就即刻同我去急症室。由於當時正係H1N1時期，所以醫生就叫我要做化驗睇下喇~跟住就畀D藥我返去一路食住一路等結果。到星期一，結果話我中咗，真係嚇死我。當時我即刻喊，因為我就係咁就放咗一星期既病期。依段時間，我真係超辛苦，不過辛苦都比唔起我爸既辛苦，佢唔返工留係屋企照顧我，就算我唔想食野，佢都會同姨媽諗計令我食DD。另外，我身邊既FD佢地都好關心我，個個都打畀我，真係超感動~

10月:可能因為開始多野做喇，個人開始失常喇~身心都唔受控制中…………..

11月:正當我覺得好攰，好辛苦既時候，突然收到一封信。原來係我之前參加既傑出學生都度有結果喇，我竟然成為咗觀塘區傑出學生，真係好似發夢咁，太開心喇~!!於是我就為咗依個日子努力打揚琴為11.7依日有最好既表現。正當我努力做好依件事既時候…………就發生咗件唔開心既事，依件事搞到我心情差到極點，到11.7個日，我就因為咁而大失水準。雖然係咁，但亦令我得到另一樣野，所以算喇=]*

12月:過咗咁多事之後，我又要繼續努力喇~依個月真係可以話係TEST月，每星期都有一科要測，就算到放假前一日都係要測，慘!!!測完之後，我地係聖誕PARTY個日有特別活動………..就係上深圳喇~今次係我地無家長，得老師同治療師帶住上既~依次活動真係…….太特別。老師為我地所付出既真係好多=]至於活動………….同我諗既一樣，”差”怪既唔係老師，而且個團!!>.<2日1夜就係咁過咗。好彩係咁差既活動中，最令我欣賞既就係一個人瞓係張超大既床到，唔係既話……….我諗一定慘到唔知講咩好。

2009年好快又完喇~唔知你地又有幾多美好既事呢??對我嚟講，就算係唔好既事，但其實當中都有開心既~希望新一年事事順利，開開心心~另外，仲有個幾月就係婆婆既生日喇，知道今年婆婆唔再可以好似以往咁慶祝生日，但希望婆婆佢能夠平平安安咁過每一日，咁我就心滿意足=]最後祝各位HaP! 20!0~