仲有唔夠10個鐘,新學期就開始喇~~真係咩心情都有整哂.興奮,緊張,擔心.........總之就多到數唔哂喇.哈哈~~時間真係好快,話咁快我係依間學校讀咗10年喇,由99年我入學,一直到依家,時間真係好長喔.係依10年,每一年遇到既人,事,物都有唔同.記得00年小一時候既班主任已係唔幾得幾多年前退休喇,亦有好多唔同既老師加入,離開.細個既時候.......我或者會因為咁而大喊一場,因為一直以來,離開學校個班老師係我心目中都係好錫我,支持我,鼓勵我.所以每次佢地離開對我嚟講可以話對我都幾傷架.幸好到咗2009年我仲頂得住,每一年都可以順利升班,究竟係因為我幸運定係因為我真係有能力呢??真係一個謎呢~~不過係依間學校讀咗咁多年,慢慢好似睇到一d野,睇通咗.愈來愈睇到原來人依種生物真係好可怕,無論係學校既學生對學生,工友對工友,老師對老師,定對住上司..............都係針鋒相對.難怪愈大愈難好似小朋友咁生存.小朋友,我幾想做返小朋友呢.

講返聽日,聽日真係好特別呀,因為聽日有好多大事發生呀,除咗係全香港學生既開學日,對我地學校嚟講仲有另一個特別意義,就係新校長上任喇~~我記得上次同春枝返佢地舊校,個陣都見過既,所以對我嚟講印象唔差架^^"雖然唔可以一口就話佢好叻,但我諗.........希望唔會太差喇.第2樣就係我成為高中生喇!!!!!能夠去到依度,真係覺得有少少發夢點,因為之前媽就係讀到中四讀唔到,如今我竟然可以讀到高中,真係好感恩呢=]知道下年開始我將會比現在辛苦百倍,但我會努力架!!!第3件大事就係...........我同kian10週年喇!!!!真係好幸運識到依個朋友,由一入學識到佢到依家,佢年年都同我同班,係中一個陣仲入埋宿添.係依10年.........同佢感情愈來愈好,好多時仲要唔洗講佢都知我諗咩添^^所以同佢既感情真係好好呢~聽日就10週年喇,所以我就準備咗一張卡表達依10年來對佢既無限感激.所以聽日對我嚟講真係大日子呀!!!!!!!!好想快d到聽日呢~~

新學期,新開始~~希望聽日開始我所有野都會順順利利喇=]