今日一早我約咗kian,家姐同a姑娘出去飲早茶.講真呀,其實我由細到大都唔太鍾意飲茶既,所以一直都好少去.就算細個婆婆叫度我都成日唔去.今次kian叫度所以我就畀面佢去下喇~

今次我地就決定去apm既潮館飲早茶喇,點知......去到實在太多人喇,搞到我地差唔多等咗一個鐘呀!我依個為食貓差d餓到傻囉@@到咗差唔多11點幾,終於有位喇!!一入到去我地以超快速咁點菜,希望佢d菜快d到喇.點完之後,我地就係度傾下計喇=]突然我講咗一句說話,我就話:家姐,做咩咁好提早請我飲生日早茶呀~[但其實我一早就同kian諗好咗要咁問架喇,因為以我識既佢從來都唔會咁突然叫我地食野架嘛^^"]之後佢就笞我地:咁係因為佢有個消息要話我地知,就係..........聽完之後,我覺得自己醒咗好多,一估就中,可能因為以往已經有好多人都係用埋差唔多既方法話我知喇,所以今次我既直角就係佢會講D咁既野.傾到半路,好好食既點心終於到喇!!!食呀食呀.............大家都好肚餓喔~:P係食緊野個陣,我地見到同我地用同一張枱既2位女士佢地既對話,1個女士對另1個女士講野個陣,就畀人一種好似一位阿四既感覺咁,勁無禮貌,搞到由本來唔多想聽人地傾計既我同kian都突然覺得個位女士好過分>.<無幾耐第3位女士又到喇,,同樣地個位好似大家姐既女士又用埋d好難頂既語氣對個2位,我同kian偷偷地係度講,佢究竟當人地係咩呀,簡直唔係人!!!之後kian仲話:睇睇下3個個樣都怪怪地咁,特別係個位"大家姐"女士,好大機會係d有問題既人.遇到佢地,真係不幸喔>.<不過,我地並無因為咁影響食慾,仲係咁食,食食下我發現點解咁多架,叫我地4個女仔點食呢?!跟住我就問家姐"究竟我地叫咗幾多呀??"佢話:12碟喎~當時我真係嚇到有d暈暈地.12碟!!!!我從來無食過咁多呀!!!我地叫咗勁多菜,真係食到傻^^"不過最勁既係4個女仔可以叫咗3碟中式包.唔係~~應該係話4碟,因為佢地偷偷地叫咗1碟壽包畀我,所以今餐食得最多就係包喇^^有叉燒包,奶黃包,生煎包同壽包喇!!![計返條數,真係相等於1人1碟,嚇死人]當壽包到咗之後,佢地就為我唱生日歌喇,真係好開心,雖然唔係有咩咁特別,不過個一刻........我都中計喇>w<[被感動咗]除咗感動之外,我地仲有好多笑話,依家就等我返一d我印象比較深既笑話喇~~話說我地叫咗一碟名叫"生煎包"既點心喇,正當佢到咗枱之後,我就話喇:依個咪係菜肉包囉~佢地就話:唔係呀,係生煎包呀!!之後我就話喇,咁同菜肉包有咩分別姐,入面咪有係一樣既餡.跟住佢地就笑喇,家姐就話:你未食過生煎包架??梗係有唔同喇!!菜肉包入面真係有菜架,生煎包就係無既~聽完之後......我就好無奈咁講咗一聲"哦~"[但其實我仲係唔多明白點解囉,可能因為我實在太少飲茶喇~]食完生煎包之後,我地就食壽包喇,由於壽包有3個,所以我同家姐1人1個[因大家都係今個月生日,所以就叫咗佢一齊食喇^^"]之後我地就發現仲有1個包喎,咁我同家姐就諗住畀kian喇,點知kian話佢唔食猴子pat pat架喎,當時真係畀佢激死,竟然係我食緊個陣咁講!!!叫我點食喎>.<之後家姐就話:點解唔食呀??佢就徜:因為壽包既蓮蓉太膩喇喎,所以唔食.咁a姑娘就話:咁你咪月餅都唔會食囉??佢就好快咁笞:唔係喎!!月餅佢成個咁食架喎~我地就話:咁入面都有蓮蓉架喎,你又食??有唔同架??係另一種蓮子整成架??佢話:唔知呀,總之佢會食月餅喎~講完之後,全場都笑到傻.不過佢地係1個正常既人,好快就無事囉~但我就.......笑到停唔到,仲差d笑到哽親.好險~~

食完之後,我突然話要去廁所,[但其實係諗住去賣單]點知........畀家姐知道咗=[到最後我就梗係賣唔到喇!!!下次我一定會得架!!!賣完我地就落去mtr個度睇下野喇,之後諗住買埋禮物畀家姐當係咩咩禮物喇~~點知一落到去諗住買佢鍾意既公仔既野畀佢喇,點知佢又話有哂喇喎!!!激死我呀!!!邊個快過我買畀家姐呀!!!我一定唔會放過佢架!!!好彩最後都買到野畀佢^^不過正當我地寫緊一張卡畀佢個陣,終於畀佢見到囉.><搞到一d都唔驚喜.不過唔緊要喇,最緊要就係佢鍾意同感受到我地既心意=]

行完apm,我地就去東港城喇~由於我地要等家姐係tko醫院覆診,所以係附近行下喇,突然.......畀我地見到有冒險樂園玩喇,起初我真係唔係太想架咋~可能因為實在太耐無玩喇,岩岩真係唔太慣喇,不過........既然kian話想玩,咁我咪玩囉.係依個充滿咁多細路既地方,突然諗返起細個個陣既一d回憶,諗起爸爸係我細個個陣成日都同我去玩既場面,個一刻真係有d令我懷念.但依家既我,再唔可以好似細個咁投入去玩喇,究竟係咩原因呢??見到kian同a姑娘玩得咁投入,但我就仲係差dd咁,係我已經再唔可以重拾以前既童真嗎??希望唔係喇~~因為我真係好想全心投入咁玩多次,唔知幾時可以呢??

家姐睇完醫生後,我地就去買少少野食喇,跟住我地就返屋企囉~~a姑娘就帶kian去mtr,而我就同家姐係微微既雨下行返屋企喇,希望我地下次仲有機會再玩喇=]