雖然只係放咗十幾日假，但我就係依十幾日都清醒返囉^^等我話畀大家知我有hapi野喇=]

第1件開心事: 好開心!!!!因為尋日講咗我地可以提早放假囉@@不過...............唉~應該做功課做到傻^^"唔緊要因為我依家已經做咗好多喇，就算有咩唔識我身邊有好多小天使教我同幫我。yeah~~就係放假既第N日我就已經有一位天使好有耐性咁陪我做咗成個下午既數學囉=]

第2件開心事: 放假無幾耐我就出咗第1次街喇，同邊個??!!梗係唔講得喇，但真係勁攪笑同勁開心=]

第3件開心事: 去完街既第3日，我又去街街囉~~今次同銘佢地成班出既~點知仲撞到................[好人]之後我地就梗係去唱k喇，多謝佢請我地成班fd喔~雖然之後我死咗係度，不過下次我一定會再同佢唱過既~

第4件開心事: 由於之前要準備考試，所以個排無時間睇<禮儀師之奏鳴曲>，但後來有一位好朋友佢畀個網我上去睇，真係正!!!我個晚一邊睇，一邊諗，人生真係好特別，唔知幾年幾月幾日死，甚至好似個男主角咁唔知道自己竟然會做上個份幫死者化妝既工作，當時睇個陣我真係覺得佢好了不起，講真有幾多人敢??一定唔多，就算之前佢唔想做，受到身邊既朋友，甚至老婆都唔想再接近，但當佢明白咗真正意思後，佢係好願意做落去。最後亦係依份工令佢能夠同佢一直都唔鍾意既爸爸重遇，打破咗咁多年嚟咁差既關係，陪爸爸走埋最後一段路。所以我誠意推薦大家睇下架~~

第5件開心事: 係件事係關於stephy既~佢最近有首新歌叫<陪著我走>，係佢自己寫既，真係好好聽架!!係7月既書展佢仲會出第1本自己寫既愛情小說添~如無意外我個日會去架，到時一定要................@@

第6件開心事: 前日開始我去咗姨媽度住喔~~真係正呀，因為佢地岩岩裝修完，感覺靚咗，光咗，最重要既係..............好多野都係為咗方便我而整架!!除此之外，我仲有間房添，等婆婆返嚟我就可以同佢一間房，好期待~~仲有表姐送咗一箱全部都係stephy既野畀我呀，哈哈哈哈~~開心死~另外等表姐放暑假後，我地就一齊玩一齊做功課^^另外係個日表姐既阿哥仲請我地食泰國菜添，雖然真係幾辣，不過我鍾意=]

可能大家都會覺得最近既我好似真係好多開心野發生，但其實我都有唔開心架=[

去姨媽度個日，姨媽個工人唔知又同佢d fd攪咩鬼攪度去姨媽度，最後就要叫埋警察嚟先解決到>.<

就係尋日姨媽帶我同表姐見婆婆，見度佢插住胃喉唔食得唔飲得，用口呼吸，個人好呆咩人都唔認得，好瘦，當時個心真係好酸.........唉~~

當大家睇完依2年唔開心事之後就會覺得我好奇怪，點解仲要打咁多開心呢??其實係同第6件開心事有關既.......................

第7件開心事: 今日姨媽一早帶我返教會，佢話因為教會有生日會有好多野食，而且佢尋晚都有整架，所以就想叫埋我去喇。於是換好衫我就出發喇。去到之後，聽一班姨姨係度分享佢地既見證，仲見到好耐無見既師母同嬌嬌姨，佢地仲認得我喎，證明我都應該唔算變咗好多喇@@係個段時間，聽佢地講好多感恩既事，有d係因為經歷一d事有所得著，而有d就係慶幸自己最近一切平安而感恩。見到佢地既見證，我既腦海突然浮現返有一段時間我都好似佢地咁無論係有事定無事都會感恩，個陣既我真係比較開心，無咁多擔憂。所以突然令我一返嚟就想打返一篇叫<感恩>既文章，希望透過最近所發生既開心同唔開心都打哂出嚟=]雖然我個諤既教會真係唔知幾時先有勇氣再返，但我想自己係依個假期能夠學懂向神感恩喇~=]

至於我做咩咁鍾意用"=]"依個符號，係因為之前有人教我多d用笑哈哈個人都會開心d喎，唔知係咪呢??試試先~