相信大家睇到個標題同我既心情咁大分別,一定覺得好奇怪呢^^"等我話畀大家知點解喇^^"

星期三,收到一個突如其來既消息,就係我成功入到第4屆覲超傑出學生選舉喇!!!其實係咁既,係一個月前老師就叫我再作過一篇自我介紹既文章,因為校長想推薦我去參選,當時聽到依個消息個陣真係好開心架,能夠參加真係我既榮幸,不過我同自己講都係唔好咁快開心住,因為我今次參加既比上年仲難入圍,因為今次係成個覲塘區喎,咁多比我更好既人我可以成功既機會真係好低.但老師同我講好似上次咁平常心就得,估唔到係星期三老師就話我知成功入圍,但仲耍係30/5去面試睇下能唔能夠成為傑出喇^^".不過無論得唔得我都已經好開心架喇,第1因為我成本入圍,第2就係因為我就算唔係傑出但都已經係優異學生喇喎,到10月都能夠去拎獎=]

講真,真係要多謝身邊既人同以前所發生過既所有不幸既事,如果唔係既話,我相信自己都唔會咁努力讀書,雖然今年又好似差返少少,但依家既我明白到讀書真係好重要=],多謝所有身邊錫我,支持我既人,希望下星期六可以順利過關喇^^"

至於點解我會打唔開心,咁係因為我唔能夠同佢分享,當我知道依個消息既時候,我只係想第1時間講佢知,而其他人我都一心諗住拇到再話佢地知,好可惜......