真係好耐無打喇，以下我所打既都係N世紀前考試後既感受^^”希望我既fd能夠細心咁去睇下喇^^”

考試可以話對我嚟講好重要，個人愈大考試就可以話係我不能忽視。特別係今年，因為下年我就要升上3E[即中四科程]，所以我好希望考好今次既試佢。再加上之前畀學校選咗參加傑出學生，所以令我更加唔想衰，點知………正能量竟然變咗負能量，就係考試既時候我終於頂就係考試既時候我終於頂唔住，溫書個陣係咁頭痛，頭暈。係考試既第3日，考完通識後忍唔住入咗護士室喊呀!!!因為我實在忍得好辛苦，由考試既第1 日之後我就覺得自己輸既機會係90%，愈諗愈驚，終於攪到自己失控咗，成日喊同成日唔舒服>.<最後……..咪攪到成個考試衰哂囉，真係衰d講句自己攞嚟衰咁。係我情緒勁差既時候，好多人都好關心我，成日安慰我，支持我。雖然衰d講句我係失去咗好好既成績同面子&自信，但我有既係身邊咁多人對我既愛，令我彷如係死亡邊緣上返嚟咁。

以下我好希望可以係度多謝返佢地!!

家人:　依個段時間爸爸同姨媽同好關心我，爸爸成日嚟宿舍睇我同帶我出街，姨媽就成日打電話畀我，仲買埋雞精叫爸爸拎畀我飲添^^”雖然真係好難飲[最好大家都唔好買喔，因為既貴又難飲]但係飲既時候我竟然飲到係甜架，因為入面有既全部都係佢地畀我既愛，所以就算餈難飲都會飲哂既。而且係個段時間令我反思咗好多野，知道自己一直都對爸爸唔係好，依家我學識要多d從爸爸既角度諗，多d關心佢=]

老師&護士: 係我情緒最差既時候，真係成日係咁傷害自己身體，但佢地就成安慰我，十卜我，甚至請我食朱古力添^^”多謝哂~~

家姐: 由於個段時間我係宿舍，所以當我有事之後，我都會即刻揾佢，佢今次已經唔再講同我太多正面既野，因為佢知道我依個衰女係唔會聽，所以佢就同我分享一d好好聽既詩歌，當我聽個陣個人好似清醒返咁，終於知道自己做錯喇^^”所以家姐我希望能夠快d做返一個正常既我喇~

朋友: 講真，經過今次依件事之後，我好好好好好好好好肯定你地就係我一生中最好既朋友，你地咁多個各有各既方法去救返我，有安慰我既，十卜我既，甚至有人會話醒我，無咗你地我諗我需要更加多既時間先可以好返，多謝你地~

好彩考完之後就咁岩要停課喎，所以我都要多謝教統局，因為一考完就可以返屋企而且仲可以出下街休息下@@希望快d做完功課再玩過!!!

最後想同你地咁多個講我愛你!!!