由於前幾日部電腦有問題,所以打唔到blog喔>w<等我依家打返最近既野上去喇~~

8月14號,前一晚聰打畀我話想畀返d野我,咁岩佢朝早又要覆診,所以就約咗14號喇.無幾耐,劉輝又打畀我[因最近有事,打嚟問候]到最後佢話因為擔心我所以就決定嚟睇睇我喇^^"聽2日9點幾,劉輝就到咗我屋企睇我喇,好彩我個樣唔似太有事,咁佢都安心dd@@到點幾鐘,聰都到喇.咁我地就一齊去食lunch.食完lunch之後,我突然又好想去冒險樂園[可能因為最近心情唔多好]去到冒險樂園,大家出$$一玩,當同佢地玩既時候,突然感覺到少少童真喇!!真係好開心~~雖然唔係贏到好多票,不過..........真係好開心.玩完之後,我地就去買禮物畀人喇,但睇極都無心水,之後 就返tko睇下喇,最後雖然未買到畀fd,但聰毫就送咗一個好令既筆袋畀我攸生日禮物,真hapi=]=]

第2日夜晚,有一位姐姐就約我食生日前既晚餐,之後我就約佢係屋企下面等喇,但後來發現咁耐都未見到佢,於是就行去揾佢喇,揾呀揾,揾咗好一段時間,終於揾到喇,原來佢同我係相反方向,所以揾極都揾唔到佢喔^^"揾到對方,大家都已經肚餓喇,所以好快就揾到一間餐廳食野喇,個餐真係好豐富,好好食~~佢同我仲係個個時候交換禮物添^^而個份禮物就係........佢叫我返到屋企先開呴~食飽飽我地就去行街街,買我要既野喇~~完成埋依個任務我地就歸家喇=]返到屋企我就急不及待打開佢送畀我既禮物喇,係咩??就係2本書喇,1本係英文ex.另一本就係.....日文書喇!!!因為佢知我好想學日文,所以就買畀我等我自學喇,佢真係夠細心姐=]睇完禮物就休息下,跟住我就打電話畀佢話畀佢知買咗野畀佢=]一路傾呀傾,突然.......佢話"生日快樂!!!!"好感動~2年第1個同我講生日快樂既都係佢,我希望以後都係佢,永遠都係佢喇.而係12點打後.......開始愈來愈多人sd sms畀我喇,佢地對我既每一句祝賀,都好窩心.到咗點幾鐘,我都係時候要瞓喇,期待16號既來臨~~

到咗16號,我8點幾就起身沖涼,正當我著緊衫既時候...........佢就到咗喇.之後佢就係度都我細路傾計,仲將我份禮物畀細路睇,佢一睇就大叫喇,當時係廁所既我聽到就知依樣野都會係我細路鍾意既野,咁即係..........肉桂狗既野喇~~於是我就快速咁著之後出嚟喇.當我一出嚟既時候............我都有想大叫既感覺,因為係肉桂狗既公仔呀!!!雖然大唔算好大,但我真係開心到唔知講咩好喇.之後我姨就話要出街喇[咩費事阻住我地喎>.<]於是佢地走咗,等返我地,咁個陣佢就幫我睇下部電腦,睇完傾完之後就出去喇~~出到旺角,因為我地提早去,於是就去買我最愛既臭豆腐,另外仲買咗煙肉+腸仔[因唔知叫咩,所以咁叫]同咖喱魚蛋.買完我地就開餐喇,正當佢食咖喱魚蛋既時候...........個樣就開始有d唔妥喇,我就問佢咩事呀??佢話好辣,我就試試喇,但我又唔多覺喎,之後再試下喇.點知食食下..........嘩!!!!!!!!!!真係唔多頂得住,因為當我慢慢試下d味既時候發現真係好辣呀!!!!!食多幾粒,身體開始出現反應,出眼水,出鼻水,而佢見到我食得咁辛苦,佢就係咁幫我食,亦因為咁.........佢自己就愈來愈辛苦喇,於是佢就跑去對面街7-11買野飲喇,正當佢去買個陣我就勁食,希望可以係佢返嚟既時候我食哂咁佢就唔洗咁辛苦喇,點知食到最後一粒,因為實在太勁既關係........我食唔到喇!!!而佢一返到嚟見到得返一粒佢就知係我食咗;p點知竟然因為咁就畀佢話我做咩咁傻呀,之後就畀佢食埋囉>w<[真係衰喇,畀佢食咗添,我只不過唔想佢食都有事咋嘛,到最後竟然係佢幫我喎]食完真係有一種咩都唔想再食既感覺,因為實在辣到咩都唔想再食喇.不過食完今次之後我諗我同辣又再拉近喇@@

食完我地就去旺角中心行下喇,一去到見到有唔少野睇.不過睇睇下我見到有好多.......同性戀既菲律賓人,見到咁多d咁既人.........終於頂唔住喇!!!所以我就叫佢帶我走喇.一出到去,我地就睇其他野喇,突然另一個fd就到,就係標喇,佢帶咗香賓畀我@@無幾耐聰又到喇~之後我打畀師父,佢就話叫我上去先喇~

上到去搞完少少手續等咗一陣就有得入喇~~入到去,嘩!!好大喔.之後有d人就去咗前面打機,我同聰就準備下喇=]無幾耐,大家都到整喇,我地就開始喇~唱...................愈唱愈強........................臨近結尾,突然畀人cut咗首歌喎.原來係因為..................有蛋糕嚟喇,佢地各位都為卵唱生日歌喔~~開心~~開心~~唱完k8點幾,師父就同我地飲茶喇,我地叫咗好多業,個個都食到傻.正當壽包一到既時候,師父就表演食壽包喇,搞到全場都笑,我仲笑到..........撞咗個頭埋張椅度.痛死我喇!!!真係無諗過竟然要係12點前中頭獎=[痛到仲有d暈暈地.唉~~不過既咁開心............算喇再痛都唔緊要喇^^"大家食飽飽就分手囉~

個日真係好開心呀,可以話係自6歲之後另一個美好回憶,雖然已經過咗4日喇,但禮物到依家都仲未收完喎=]*真係好多謝你地呀~~有你地依班好朋友真係我既榮幸.