最近成日發現自己咩科都好似好差咁......搞到自己真係無哂信心=[正當我失意到極點既時候,家姐就係星期二咁岩返宿舍同我地影畢業相,另外仲同我傾咗一陣,雖然係傾既時候我都係忍唔住喊咗出嚟,不過唔知點解覺得係家姐面前喊係好舒服.因為自從家姐無係宿舍做後,我就開始將自己收埋咗咁,就算有唔開心,有困難都唔會再點同人講,就算連朋友7都無再講,因為我唔想佢地擔心,再加上好多時我都覺得佢地同我所諗既野都有d唔同,所以已經無再同佢地講.幸好星期二家姐返嚟探我地,我就借此機會同佢傾喇.佢畀咗好多鼓勵同支持我,令我有返少少信心.透過個次我自己就諗.....其實支持對任何人嚟講都好重要,特別係對自己無信心,好怕做任何野或者係做錯野既人,如果無身邊既人支持真係好辛苦,好慘架!!所以希望大家見到身邊有咁既人既話,一定要盡200%支持佢呀~!![對我就梗係要400%喇]