都唔明你點解前日可以咁衝動，雖然曉林都同你有同感，但係人地都頂得住喇，你又頂唔住，攪到咁大件事出嚟，自作自受。依家連你最鍾意既瑩瑩過個日之後都對你好失望呀，你就只係識喊，畀人話下就喊，明明你自己錯又覺得人地唔明你，唉~無得救我最接受唔到係你喊完之後又想人地嚟安慰你，你唔好傻喇

我真係好憎你呀，點解你成日都咁無禮貌，脾氣咁差架。人地前日話咗你好心你就改下喇，個d只係宿舍既細路，唔係你屋企人呀，都唔明你點解可以激到係背後用咁既說話嚟講d細路架，你無野唔驚架，你自己都有喇，有口話人無口話自己唔該你檢討下你自己喇，身為一個女仔，平日講野無禮貌又粗魯。依家重畀人話你唔識控制自己情緒，你再咁落去無人會鍾意你架喇，到時你唔好後悔呀。我話你知呀，你星期一返到去最好就係係宿舍唔好亂出聲呀，唔係下次又唔知邊個會話你架喇