尋日，由於我地學校放假，所以春枝就話帶我一齊返佢地既舊校，畀佢地既老師識下我依位身為人地舊生既GF^^"而我又順便係個度同佢慶祝返佢既生日=]

11點幾，我同光前就到咗大埔墟，之後我地就買咗D小食醫肚同攞CAKE。攞完我同人佢就搭的士返佢地既舊校放底個cake，然後就係門口到等埋其他人喇~但由於太熱既關係，我地等埋楊聰我之後就入咗去喇。一入到去，佢地就同佢地既老師傾計同登記身分，而我亦係依個時候開始畀人留意到^^"好多佢地既老師走埋嚟問光前我係邊個，(其實我諗佢地一早就知我應該係邊個，只係唔知我咩名姐=])無幾耐，其他人都到喇，之後佢地就帶我四處行下，介紹唔同既人畀我識，而佢地都好主動咁去介紹自己畀我識(可能佢地知我怕羞喇^^")介紹完之後，我同光前就先揾地方準備慶祝春枝既生日，而佢地都陸續上嚟幫手喇~好彩多得馮哥哥幫我地手咋，唔係我諗楊聰一定燒咗自己隻手&cake添呀^^"之後春枝就入到嚟喇，我地就進行一個簡單而隆重既儀式─唱生日歌。之後大家一邊食cake一邊傾下計，食飽飽之後我地又繼續我地既旅程喇=]我地去過圖書館喇，教員室喇。

到咗3點幾，佢地開始放學喇，而我地又落返去見下d小朋友，見到佢地好似一班小動物咁遂個遂個行出嚟，而係個個時候獅一個好好既老師佢帶咗婉琍嚟見我，我見佢開心咗，靚咗重穿埋耳添^^我地傾咗一陣之後暘咗相留念=]見到佢變得樂觀咗真係好喇，咁我都無咁擔心嘛~行下坐下&影埋相之後，又到5點幾喇，我地又係時候走囉^^點知係我地走既時候，有1個叫關先生既老師話請我地去食下午茶，真係好開心喔=]食完之後我地就分手囉。

雖然今次係第1次去依個地方，但我覺得感覺唔係好陌生，佢地個個都好玩得又好親切，而且地方又大喎，講真個句係個度真係有一種學校溫暖既感覺，反而我地學校就............都係唔講喇^^"好快好快係29/11又會係運動會到見到佢地，到時佢地重話再約我地一齊再去食野，識到佢地真好=]