話咁快我已經無返教會2，3個月喇，唔知點解自從因為自己開始忙無返到依家好似已經覺得.........可以變成一種習慣了。依家即使唔再咁忙但我已經覺得休息比返教會更重要喇，唔通我同天父既關係就此完結。

其實講真個句，開頭岩岩返個陣真係覺得好開心架，全部都係年青人一定好傾得埋既~所以當時既我就算有測驗又好考試又好甚至病都一定會返既，因為我覺得返教會比任何野更重要。而且我記得當我屋企有事個陣，教會都會好好咁第1時間嚟幫我。但唔知點解當我開始了解整個教會之後我就開始唔鍾意依間教會喇，因為教會講明中學生係唔可以拍拖，即使拍拖都唔可以同非基督徒拍個一刻開始，我就對教會無哂感覺喇。因為我覺得點解唔畀喎，大家都係需要天父既愛，如果當一對情侶能夠一齊認識到神係一件好事，但教會就好似好反對咁，又話如果開始拍緊拖既話就唔可以再返祟拜。就因為咁，我唔想每次返去講大話喎而且我又接受唔到教會佢地依種模式，咁不如我就永遠唔好再返依間教會喇。於是我就由最後一次教會佈道會開始我就無再返過去。

可能畀其他基督徒見到我咁既理由一定唔接受，而且會覺得我被愛情控制住，講真我都唔介意認，無錯~係!我覺得拍拖係人既自由，能夠同自己鍾意既人一齊係一件好事，即使聖經有講過唔聽天父既吩咐後果會好嚴重會係你諗唔到咁嚴重，但，我覺得如果一對情侶係互相鍾意大家就算有咩問題都會一齊解決，但係如果大家都唔珍惜對方唔愛對方，咁咩問題都一定唔會解決到。而且我知道有好多係基督徒既人到最後都係同非基督徒喇，但到可以好開心，咁係因為大家都重視對方，所以就算有問題都可以一齊解決。就算唔係基督徒既情侶都可以好開心好幸福，好似陳sir同miss lee咁，因為佢地都係d成熟同有責任既人，所以佢地知道真正既愛情係應該點樣。而我就係睇到佢地咁，所以我覺得無需要咁去管制人。除此之外，其實教會有好多理論就算無宗教既都會遵守，因為依d本身都係依個世界既理論嚟既。所以我諗咗好耐好耐，到今日我決定唔會再返去，至於認唔認自己係基督徒，依樣野我諗要再過多一段時間先可以有一個肯定既答案，但我都會係依段日子睇下邊度重有一間岩我既教會睇下自己重可唔可以再次踏足教會既生活。