依個星期終於叫做無咁忙喇~^^但......我係依個咁得閒既假日入面完全無咩點安排攪咩好，本來諗住玩下電腦、溫下書、寫下卡，瞓晏覺同出街街喇~點知........諗完既野又無咩心情去做喎>.<幾日不斷係度玩電腦，雖然今朝都有溫書，但唔知點解好似覺得對玩電腦都無咩興趣咁，出街又覺得無咩好行，又無$買野呢>.<"係屋企度攪到我成日都好想食野^^"但食食下...........又覺得無咩好食，所以又唔想食囉=[重知好似對咩都唔係太感興趣，於是激發咗我諗咗d野，每樣野都諗d咁，都幾亂^^"所以就將我所諗既其中一樣做標題喇~

尋晚睇joey演唱會個陣，聽到好幾首情歌個陣，唔知係咪因為得我一個睇既關係，攪到我係度開始諗野喇。突然係到諗點解我當初個膽會咁大既??如果我無出個聲既話，佢會考慮我嗎??會去到今日既地步嗎??雖然我依家個膽細返而且我地並無任何問題，但一諗起當初我咁做好似真係有d問題(各位唔好唔會呀，我唔係轉牛角尖呀，我地無問題呀，只係我突然諗到依樣野咋)不過諗諗下無咗下文囉~哈哈~!!!尋晚諗完之後，岩岩又有一段時候我覺得係無聊到極而又唔想出街同瞓覺喎，因為個陣已經5點幾喇，於是我又邊睇劇邊發夢，個一刻真係覺得自己好似一個無人生目標既人咁。其實講真呀，我到依家到未好肯定自己下年係咪讀商科，宿舍之前有個小組開嚟係叫我地好好諗下將來既，而我本來諗住將來做律師既，但後來發現依個夢想太難實現喇，所以就諗住放棄喇，而且我個人又對經濟有興趣喎，咁我高班d fd盲話經濟同會計一齊讀會好d，但我表姐就話唔好喎，咁會攪到幾辛苦架。而個d姑娘就話叫我要堅持依個夢想，諗下有無d有關依方面既工喎，攪到我好亂，好似無哂人生目標咁.............唔知點好

打住咁多先喇~