已經有一個星期無打理個blog囉，就好似日久失修既舊屋咁^^"

我記得上星期一打咗篇野舍度有諗住遲d講返去camp既野等我依家講返喇=]

今年係我班既成長營之終極片喇，前個2年我地去過沙田既突破青年村喇又去過西貢樟木頭老人渡假中心，每年玩既野都唔同既。不過對我地班嚟講今年係最特別，最難忘，唔係因為今年係終極片咁簡單，而係今年我地係所住既地方所玩既野都截然不同，最重要係大家都對入營所做既活動既心態都變好埋，所以今年係我覺得最成功既一次。

不如我就由我地住個方面講起喇，今年我地所去既就係大埔洞梓童軍營而我地今年亦唔再只得瞓房依個選擇，我地今年重能夠選擇瞓自己扎既營呀~yeah!!所以我地個日真係未出發先興奮@@12:15我地提早食完飯之後就搭校車去接埋阿Miss楊&Mr Sum之後我地就正式出發喇~係車度唔知大家係咪前一晚太興奮既關係呢，所以上到車大家都好似好靜咁而我重為咗個晚要遲瞓所以係車到zzz........一陣，但唔知係咪我唔慣係車到瞓所以全程都唔算點瞓過，只係係到諗野。坐咗一輪好漫長既車程之後，終於係2點我地就到咗目的地喇~由於我地太乖太早喇連我地既導師─梁sir都未到，所以我地就等埋佢喇。佢到咗之後就梗係講一大輪好悶既野喇─就係營舍守則喇=.="講..........講..........講..........。終於講完喇而我地亦開始我地2日1夜既成長營喇~

首先，梁sir就帶我地去到一個草叢(即我地扎營既地方)，之後佢就叫我地揾一d較平既地方用嚟扎營，我地就分咗男，女各一組之後就各自揾自己既地盤喇@@由於我地女仔有我同曉林會瞓營，再加上我地揾咗萬生嚟幫手，所以我地好快就揾到喇。然後教職員就派扎營工具畀我地喇，扎呀扎，唔知係咪我地合作能力高咗所以我地好快就扎好喇，重快過班男仔添呀^^

以下就係我地既營喇~

而依個就係男仔既~

扎完營之後，我地就開始準備下一個環節喇，就係..........煮飯仔喇!!!

以前細個就玩得多喇講到煮喎...............其實真係未試過^^"(唔好笑我呀，依家好多女仔都唔識架喇)而且今次重要露天喎~真係好有郊外feel，正!!!另外今次重要同老師一齊整喎，真係一生人第一次呀，好開心呀!!收到我地需要既用具&食物之後，大家就開始分工做野喇，攪呀攪，煮呀煮，時間真係快，就係咁我地就攪咗成個幾鐘喇，大家都好肚餓呀終於係7:30有飯食喇!!!唔知係咪因為同fd&老師一齊整既關係，個晚既野食真係好好好好好好好好好好食呀!!!!!!!!!!!!(好可惜d食神食唔到，唔係一定讚不絕口)食完野我地就又分工拾野喇=]

煮完飯，我地又入返室內開始我地當晚既談心夜喇，大家由梁sir帶領下講出自己對學校既意見呀，互相問下問題，就係咁好快就9:30囉。完咗依個談心夜，我地就有個特別環節─就係開餐野喇^^大家就好快咁攞唒d零食出嚟互相分享。好快d零食就無咗一半囉~

當大家食完第1餐(點解係第1餐??轉頭就知)準備返房洗白白個陣，我同張姑娘就去咗遊花園喇，由於環境太好既關係...................我就同張姑娘談心喇，而係談心既過程中............堅強的我..........終於崩潰了，幸好得到佢既安慰好快就無事囉)

至於點解有第2餐??原因咪係曉林、聰，標同我重食野囉^^

終於我地就係1點幾返入自己個營度傾下計影下相喇~

第2日一早，聰佢地就嚟影我地瞓醒個樣喇，就係影既時候...............就攪到一大批蚊入咗我地個營咬我地喇(慘!!!!!)之後我地就去梳洗喇~由於我係一個為食貓既關係........所以好快就去咗依到喇(下面個張相既地方)

食完野，我地就開始玩game喇，今年另一樣特別既野就係d game係我地學生帶既~玩既時候由於大家都唔太清楚做緊咩，所以有好多笑話出咗嚟笑完之後，又到咗梁sir帶既時間喇，今次佢就叫我地晝自己所面對既困難出嚟同大家分享。當大家分享時，有位同學太激動，所以.................但經過我地十卜就無咩事喇。點知完咗活動之後就到我有事喇，好彩得張姑娘見到姐。

完唒所有活動後，我地就去扎營&食lunch喇~

(好努力喔^^)

最後我地重影令相添~(依d我影既^^"所以無咁好)

講返點解我覺得今次最好呢，因為大家係今年既合作&關心作面都進步咗，大家識得十卜身邊既人，見到大家能夠認識到對方真係好好彩。我知道今年都會係部分同學同我地相處既最後一年，希望大家都會記得今次依個營，珍惜相處既時間=]

嘩!!!!!咁夜喇，12點幾喇我都係時候瞓覺喇，唔係聽日又起唔到喇，本來重有野打既............等下次喇~晚安~~