現在既我係極極極極極開心, 暑期班既考試終於考完, 番埋聽日就唔洗番, 真係太開心喇!

今日一番到學校就傻左咁係咁溫書, 直到考試個時, 唔知點解我背部好唔舒服, 點都係咁, 不過後尾都冇事, 感謝神!!!

個老師唔知點解要我地早一個鍾考試... 比多個鍾我地溫仲好喇, 一早考完又冇野做... 不過.. 哈哈, 我就同左呀 Danielle 同埋呀 Jen 係咁影相... 真係好開心呀!!!

考完試, 就放學既時候, 竟然比呀Danielle 發現左牆上既 Periodic Table 上面有我個姓 "何, Ho" 哈哈^^ 真係好眼, 我自己都睇唔到^^"

原來我個姓"Ho" 係 "Holmium" 中文係 "鈥" 仲係稀土族金屬. 哈哈XD

番到屋企, 呀媽就問我, 到底我咁要唔要本 "黃歷", 媽咪唔講, 我都唔記得自己兩年前張d 楓葉夾左係入面.... 又真係幾靚既^^ 哈哈 我仲因為咁, 係咁多楓葉中, 選出左 "2008年度--- 我最喜愛的楓葉" 下面就係我覺得不論形態, 色澤都係最好既....

                                       楓葉一

楓葉二

落選楓葉都比佢地上下鏡喇! 話曬都係第一次選舉既佳葉呀! 哈哈^^"