今日無煙伙再次衝出學校，再次去到小學推廣無煙校園，不過今次好特別，因為係去到我母校推廣，我升中甘耐，都有三年啦，都未反過去探老師，哈哈，都唔好意思甘，但我好開心，Ｄ老師三年冇見過我仲一下子認出我，佢地認得我呀，太開心啦！我見到佢地我都好開心，仲一一叫出佢地既名。

三年冇反過去，但佢地仲好記得我，聽小學既英文老師講原來我係個到仲好受歡迎，班老師仲成日講起我，我都受寵若驚！哈哈，小學個時，我成日嘈嘈嘈，成績係好的一班，一個好平凡的小學生，但就得甘多老師歡心，真係估唔到。

我同佢地傾左一陣就要反去睇我既獎品換拎到啦，今次我負責獎品個到，所以都好得閑，哈哈......今次我又再試post20張相既上限，放夠30張相去！

今次同我一齊睇獎品既同學Amy，佢唔笑真係好cool架！

獎品真係又多又靚，最多小學鐘意M&M朱古力，好快就派完，Amy都係唔介意我影佢相既人，哈哈,,,,,,,,

大家一定要簽＂無煙宣言＂呀！哈哈，阿YU好悶甘喎，又等我聊下佢先，佢都好盡責，一直拉Ｄ小學生簽簽簽（嘻）。

數數有幾多張先......我數，我數.........

之後轉移目標，睇睇其他無煙伙做Ｄ咩先，我地做左Ｄ咩，令到個個女生跳起呢？哈哈，甘興奮都有喎.......

今次唔使睇攤位，但就去左換獎品個到，所以一得閑就去影下佢地做咩，見反自己既學妹學弟，感覺真係好特別。

又睇反自己個攤，經過上次個間小學之後，爛成甘啦，真係慘不忍睹！

喂！細路，甘唔比面呀！天唔係特登影你，我影Ｄ無煙伙呀！！

好似Anna甘合作未好囉，影得幾靚！哈哈∼

睇睇後面，班老師好得閑坐係到吹水，哈哈......

睇埋其他攤位先，

之後接近尾升，好多人就一湧而上換禮物，個時就係我地最忙既時侯！睇睇個位人兄，係唔係搞搞震架？哈哈，好鬼搞笑呀佢！就睇睇Amy點搞掂佢先！

之後班細路走哂，我地就鬆哂lu，今次真係唔係我賣花讚花香，我間小學真係好乖，比起上一間，真係好好多呀！

做完今次既服務，之後就冇啦，成個計劃都完啦，不過，暑假仲有活動，就係去＂河源＂考察啦！希望我面試成功啦，哈哈，唔係我特登去做回鄉証浪費哂啦！今次既活動主要人物，阿Dick，佢係一個好好的導師，我由中一就識佢啦！

面呢位都係導師，不過佢而家仲係實習，希望佢快Ｄ真係做到啦！

呢組就係我地攤位既組合，同佢地兩位合作真係唔知係激死定係笑死好！對佢地真係又愛又恨，哈哈，希望下年有機會同呢班既無煙伙同班啦！

個到真係好熱，睇我個頭甘濕就知啦！

小余，佢上過呢我屋企搞搞震，但佢真係一位好nice同我一齊搞冷gag既朋友，哈哈，我地兩個下年仲有機會同班，因為我地兩個都係選同一科。

佩君，雖然同佢唔熟，但佢好主動成日都同我吹水，下年雖然唔可以同一班，我地兩個選唔同科，但希望你入到你心水個班呀！

詠珊妹，我中二就識佢啦，雖然係識，但係就唔係成日同佢有交流，仲有成日唔記得你個名，真係唔好意思！

佩儀，佢係一位影相好叻，ＩＴ好叻既女生，有咩電腦上唔識都可以搵佢，佢一定包搞掂！哈哈，我做咩呢，甘搞野既樣？係因為我影相時成日比人圍攻，我就要扮到好死先得（爆）。

寶婷，我識你個時已經係成日講野啦，但個時我地兩個都唔成日講野，好陌生，但而家就唔同啦，我地兩個成日一齊搞搞震，講冷gag，你仲好識擺pose，今日見到你呢一面，真係令我好佩服！

來一張小合照先，哈哈，我地成日吹水，有咩就吹，但下年就得小余有機會同我同班，你地兩個選唔同班，但我好開心今年識到你！

Shadow，你真係成日係到同＂阿虛＂嘈，唔好成日同佢嘈啦，但你一笑又成日收唔到，哈哈，你係一位好細心既女生，上次我nose敏感，你第一個問侯我，嘻嘻，你成日話我好好動，好搞笑，但你都係呀！

Eileen，你上次同Cindy一齊扮焦焦，油油，表現得好好呀！你真係好靚女，講真架，嘻嘻，下年再一齊參加朗誦呀∼我地兩個今年同上年都一齊去參加朗誦比賽，希望下年仲會一齊參加！

Zoe，唔多講，成日都係我個blog出現，佢係一個交際超好的女生，係其他學校好受歡！

　Cindy，上一次同Eileen一齊扮焦油既另外一位女生，睇佢影一張相都搞左甘耐，哈哈，搞咩鬼笑甘耐呀？

好難得影到張比較好Ｄ既相，仲有Ｄ你笑來笑去影得唔係幾好既相我唔post 出來啦！免得你聽日殺死我！

最後，我地反去自己學校，今日去完自己母校之後，心情都百般文雜甘，見到班小學老師又好開心，但又覺得自己唔覺唔覺就中三，好快就中四啦，唉，時間過得甘快做咩喎，今年真係好開心，識到你地，參加甘多活動識甘多人同事，真係好開心！下年就冇甘多時間做呢Ｄ野啦！

我地班無煙伙，要一齊好好努力呀！暑假我地再見！