今日我地就出發去一間小學去推廣無煙校園，這個大型的活動竟然讓我一個小小小的女生做司儀，太過神奇，因為我做司儀的經驗只有一兩次，所以今次做一個甘大型活動既司儀，我真係喜出望外，所以今次真係要好比心機去背熟Ｄ講稿！

我地一班無煙伙準備了兩個多星期之後既今天，終於大派用場！攤位，司儀，問答，焦油二人組，講座，這等等的功夫真係唔少野架！我地每個都做得好好，值得一讚！呵呵∼之後仲有一間小學等住我地去推廣的，所以我地要繼續努力！

早上我地照常回校，不過不是上堂，而是點好名之後就走人join埋其他班既無煙伙同學，班主任一入到班房，本應有好多功夫要我幫佢做的，不過佢見到我要搞甘大型既活動，都唔好意思叫我幫佢做野，哈哈，太好了！放左我一馬！

好啦，之後發生既野唔多講，因為好搞野，個個見我nose有敏感，係甘比紙巾我，又不時望望我有冇事，好似一個小孩受盡別人的特別愛護似的，哈哈，這個感覺太過溫馨啦，唔講甘多！

話甘快我地就來到這個學校名好長的小學，好似叫做香港普通話研習社科技創意小學，希望我冇講錯啦，佢間學校真係夠哂創意，連個名都特別過人.....

之後我地首先睇睇最後既彩排先，睇我做咩鬼甘搞野，好神秘既笑容係我臉上出現呢？哈哈.......個時手上仲拎住講稿未背好，哈哈.......

點解我笑得甘搞笑呢？？其實係表演魔術既同學比我睇出＂原機＂，成日比我睇到有咩出錯，好易比人發現，所以我就成日笑佢，點知就甘比人影左相......

之後再試試同焦焦，油油既交接部份...........佢地兩個之前都冇估到仲要著埋帶埋假髮扮魔鬼（嘻），不過冇計啦，就唯有照上啦，之後就這三張連環圖，就係一連串既動作，其實都有少少亂！

之後彩排左一陣，由於時間不足夠之下，班小學就入到來禮堂，我地就正式開波啦，冇得再練，仲有仲有希望唔好再比我睇到魔術露出既＂原機＂啦，唔係我會當場笑死左，唔記得要講Ｄ咩,,,,,,

好彩好彩都成功左，唔係我死梗，係比人殺死！比阿Dick殺死！我十條命仔都唔夠死！

睇睇班小學生玩問答環節時，好踴躍！唔知係唔係有獎既關係呢？

之後之後，就到魔鬼焦焦，油油出場啦，佢地一出埸好多人嘩嘩大叫，而且仲好受歡迎，佢地兩個成功左！哈哈..........

佢地兩個既環節時，仲拎左個真肺出比一Ｄ既小學睇睇，又真係幾臭下，食左２０年煙既人，個肺就係甘黑，甘恐怖！

到佢地差唔多講完時，我地兩個差點唔記得講稿，因為佢地兩個既走位突然亂左，我一時之間就爆左肚，噢！不過過都好好彩冇發現我地唔記得講稿！

最後，我地完哂所有台上的環習，包括講座等等，我都飛過唔講啦，之後到我地司儀總結完，我地就即立跑落去準備攤位遊戲啦，攤位個時，係最癲既時間！

無煙同樂日－攤位篇，會係明天先post出！