返 完一日工其實相當攰，放工之後當然非常希望休息下，搭車返屋企時玩下電話、睇下片、打下機，輕輕鬆鬆。但！世事豈能盡如人意，竟然放工之時，同自己老細同 Lift！心中只能大叫一聲「這陷阱這陷阱這陷阱，偏我遇上」！日本網站曾有人提出呢個問題，問大家有無試過類似情況，又有何應對方法，以下歸納出幾位網 友�H方法，不妨參考！
冷靜考慮方向
先諗諗，老細住邊？佢會坐咩車？搭緊Lift時就要諗好，然後一出Lift就話自己要坐咩車（當然係同老細唔同方向啦），然後老細講係唔同路時，記得露出一副可惜神情：「咁惟有聽朝見啦！」
諗話題
好多日本人其實覺得同老細一齊走，算係一種機遇，可以趁機會同老細混熟，所以會即刻諗話題，但要注意千祈唔好再講公事，要搵輕鬆話題，例如電影、電視、仔女學業等都係好好�H共同話題。
等朋友
一落到樓下，第一時間就話約咗朋友食飯，會喺附近等，然後第一時間離去。不過要注意，唔好分開咗就即刻走去搭車，萬一再撞到老細，就會即刻畀佢知你講大話，瘀到爆！
漏咗嘢
呢樣要有技巧，否則會太假，唔好突然之間話漏咗嘢就走上去，最好係傾一個話題之時，例如「聽日要開會」，然後先扮到忽然醒起「漏咗份文件」，咁就最無懈可擊！
更多迷你倉, 倉
|
