冇番工都有半個月啦...大約...
係番工個陣你會好唔想番...好想放假...好長個d...
但依家我可以算係冇業...又冇搵工...想搵...但冇咩動力...
係呢半個月入面...我唔算駛得好多錢...呢方面幾好...
但係...可能冇咩駛錢啦...日日都係屋企...對住部電腦...
開左又冇野做...日日都等時間過...
好似日日12點起身...坐下...睇下野...2點到出去食飯...
食完...又番屋企..間唔中租d漫畫睇...又到夜晚...
食左個晚飯...睇下電視...又同d fd打下機咁...
又到2-3點...訓教...日日都係咁過...真係唔係好想...
間唔中都會出下去既...係呢半個月入面3個fd生日...
一個身在異地...冇慶祝到...但佢唔會一個人過...
唔會寂寞既...另外2個...一個8月尾...一個9月頭...
個2日都出左黎...一晚燒野食...順便係人地度玩通宵...
但呢個通宵同生日...都好似唔係咩事咁...冇咩特別事...
就好似平時冇見咁...出黎玩下...玩累就訓...之後就各自歸家...
另一個仲衰...可能個個都番學啦...出黎食左一餐就各散東西啦...
除左呢2晚出過下黎...就好似冇咩出過...好無聊既生活...
我討厭呢d無聊生活...想番工...又冇搵工...我驚搵左...我又會憎番工...
想搵野學又唔知學咩...我連自己想點都唔知...
我既人生到依家都好似冇做過咩...我漫無目的咁生活...
見一日過一日...討厭工作同時又想工作...
害怕無聊同時又唔想郁動...厭惡現在的自己同時又沒法改變自己...
我想擺脫呢一切同時我又沒有這樣的能耐...我覺得我做人好失敗...
咩都唔想同時又想擁有某些野...真係擁有那樣野同時又覺得麻煩...
番工放工的日子...被我拋棄...跟隨而黎的是荒廢既生活...
我要何時才可改變現在的自己...我不知道...只知道現在我仍然迷茫...
前路仍是一片黑暗...這時我就像是一隻迷途羔羊...生存著...
打左咁多...我都唔知自己打過d咩...好多廢話...算...
過去既就由得佢過去...我相信...我既未來唔會係黑暗中渡過...
遲早會有明燈驅散呢片黑暗...那時我就會有新的人生...
雖然唔知要等幾耐...但我都會等...因為我深信會有呢一日...
