7月19日..7 月21日...
放工..係屋企坐左陣就出去啦...出到去最早到...好彩佢地都唔係好遲...
跟住買下野...就去食野啦...個陣唔肚餓...之前又黎左2個要食野...
坐坐下肚餓...買左個包就行啦...
上地鐵...跟住就見到最後一個人啦...齊人就上船去南丫島啦...
隻船雖然係快船都要5個字先到...比其他公司既船慢幾十個船位...
到左搵番個乜太...跟住帶我地去啦...去到貨不對板...成班人著左...
嘈左好耐...跟住我同ray...蔡..邦寧...去左搵地圖上個個俾人圈左既位...
行左粒幾鐘先到...因為我地行左又折返又行過...但計實番都要半個鐘...
之後只好打道回府...諗左一輪只好再嘈過..最後減左一日...
之後就好似正常活動...搞完一輪食飯...食完番去...打多一陣牌..吹吹水..
3點就訓...訓訓下...覺得隻手好痕..RR冇野又訓...之後覺得有野係隻耳仔附近行過...
就起左身睇睇係咩...又冇野喎...但就見到一舊野坐左係床度...一個冇被蓋既叉燒...
同佢講你訓我個位...佢話冇咁凍...之後我就話個度好似有曱甴...佢就彈左起身...
之後我就出左去...佢冇啦啦見到野大叫左下...之後d人醒晒...除左一個邦寧...
佢視而不見聽而不聞咁訓...原來個個唔係曱甴...而係蜈蚣...
跟住就黎左個捉蜈蚣行動...捉左一輪都係捉唔到...哄係趕左出去...
但中途蜈蚣入左邦寧個袋...但佢好似聲都冇聲咁訓...
完事後...我就煲飯...d米都唔係路架...放左n咁多水都係生...
煲完...炒左一個炸菜肉絲飯...食完炒多個面...叉燒就去左買包...
食完就打下機.. 打下牌...訓下覺咁...我地出現左輪訓制...幾好...
食晏個陣...都冇咩特別...食完番去...打下牌...
夜晚個餐去左食海鮮...唔錯...又唔係太貴...
輪到我訓啦...訓左6個幾鐘起身個陣佢地剛剛玩完...
都好既...我都唔想玩個個遊戲...但邦寧喊左...咩事就唔講啦...
我地自己知就好啦...跟住傾左陣...佢地就訓啦..得番我一個...
只好煲粥...吸取左上次野教訓...今次放左n+n咁多水...
煲出黎好似飯咁...只好再煲...煲完就食啦...食食下見到幾亂就執執..
執完又食...等到佢地起身個陣只係執下自己d野就ok啦...幾好...
12點俾人趕...走啦...
番左荃灣食m記...尢利請...因為佢係南丫島講既...
食完就各散東西...番到屋企...打左一陣機...就冇啦啦訓著左...
仲話食飯喎...訓到發生咩事都唔知呀...今日8點幾起左身...訓左14個鐘到..
同呀媽飲左個茶...好耐都冇同佢飲茶啦...都有半年啦...
飲完番屋企啦
