就記得今日好似係捐血日...咁我都冇理佢啦...

跟住食完飯就上堂啦...上左一個鐘之後...

上番工場個陣...同班主任講話去捐血...好似好熱心咁...

但其實係我唔想今日係工場度做野...蛇個王咁解...

落到去等左40分鐘到終於有得捐啦...

咁有個人仔叫我坐係張凳度啦...咁咪坐咁...

坐左之後佢整起左張凳...但我訓左落去發覺張凳唔夠長...

算啦...跟住又有個人仔走左過黎包住左我個手臂...

之後打氣...漲左...幾驚佢爆呀...跟住佢搵我條血管...

搵左都幾耐下...終於搞掂晒D基本野...去到戲肉啦...

佢幫我消毒啦...跟住我望住佢拿住一枝有牙籤咁樣...

中間則空心既針...我望住佢慢慢咁把個支針對住我條血管...

望住佢插入肉個一刻...覺得好似用牙籤插入布丁一樣容易...

就係插入個一刻...我見到我有一灘血...由血管噴出...嘩...爽呀...

跟住佢就由我自生自滅咁...放血...

我感覺到我身中既血係咁離我而去...有如濤濤江水般流入捐血袋中...

而在流走過程中...個針口位不時有少許刺痛...

就好似D血唔捨得我咁係咁抓住個針位既肉...但因為我要捐血...

所以我忍痛大力一谷...把佢地放逐到捐血袋...再見啦...我既血...

過左8-9分鐘到...我終於捐完個450毫升既血...跟住等人幫我收屍個陣...

我見到我附近有個人...可能佢太過熱心放血...整到有D唔舒服...

要繼續留守...為佢默哀...

搞完上番去等放學...放學個陣又同一個人仔...去左買野...

番到屋企...沖涼個陣整走左塊膠布...先見到原來俾佢整瘀左...

個針口仲係度...

                                                                                   [ 訪客留言(2) ] [ 編輯日誌 ] [ 分享至FACEBOOK ]

忙就唔係忙...又唔係多野做...點知就係10點個刻...

黎左一大咋人仔...發動左一輪禽獸式轟炸...

接二連三既飛彈噴出...再加上強大既音波攻擊...

呢個場面維持左15分鐘到...

終於到左冷戰時間啦...冷戰左15分鐘到...

佢地雖然攻佔左少許板圖...但卻好似火燒圓明園...

八國聯軍入侵北京搜略完咁...非常零亂...

而且地上遺下大量地雷...情景實是慘不忍睹...

幾經辛苦...終於把這個戰場內的慘況...收拾完畢...

把該重災區重建完...呢場戰爭終告上一段落...

時間去到1點到...終於放工啦...行去搭車個陣...

有同事同我講我收工個陣個頭同炒屎之前個頭一樣...

仲叫我電埋...再整個個咁既頭....

聽到我都O晒咀...完全唔知點答佢地好...

經完今日呢場咁大型既戰役...好想快D番屋企訓覺...

                                                                                   [ 訪客留言(0) ] [ 編輯日誌 ] [ 分享至FACEBOOK ]

入去啦...洗頭前佢問我點剪...我同佢講修下前面同後面啦...

佢仲應我ok架...之後洗頭出個陣...佢又問你想剪幾短...

我同佢講唔好太短...之後佢就俾左本野我...問係咪咁長...

我答佢係之後佢就剪啦...剪下剪下...我同佢講條<啲水>...

可以唔使剪...佢都答我ok...點知佢剪下剪下...

我冇帶眼鏡睇唔到佢剪成點...但我感覺上D頭髮冇左好多...

係佢剪好個陣我帶番眼鏡...剪到呀媽咁...

係我話想要既長度冇左一半...<啲水>冇左...

最後我發覺左一件更加慘既事...就係幫我剪頭髮個個人...

就係上次幫我剪個個...佢個次都係幫我剪到咁短...

仲要講左D野...今次都係...我同佢有仇咩...點解咁對我...

PS:發誓以後都唔去個間野剪...如果去都唔搵個個人剪...

原全唔聽客人意見...都唔知佢點做生意架...

                                            激怒

                                                                                   [ 訪客留言(0) ] [ 編輯日誌 ] [ 分享至FACEBOOK ]