今日係第1o既陸運會
今日要當值,所以要7點半去到運動場
我同雷嘉、吳喜欣、雅妍、海欣約左一齊坐的士
不過我遲左呀....sorry呀各位,要你地等我
之後成日都係黃社當值,我只係拎左4個吉祥物
今年綠社勁唔得囉,吉祥物綠社派得最少
場地冇咩點裝飾,其他社都有D野裝飾下呀,綠社o既野全部都係舊
今年o既啦啦隊都係黃社同黃社之爭
今日又係黑色星期5,因為今日英文又要補課補到7:30
上完第6堂,我、桂媚同紙巾去左M記、大快活,不過最後都係去左美心食野
食完野再返學校補英文,我地係最早返到去o既學生,嘻嘻^^
補課o既時候,我都冇聽到書
哎,英文要做書、FOS2 corr.之後仲要默書呀=口="
不過今日有個好消息就係GOLF同MIKE下星期會黎香港
仲會上勁歌表演呀！！好耐冇見過GOLF同MIKE啦！！好會見到佢地呀
仲有棒棒堂都會上勁歌表演,雖然我唔係棒棒堂飯
我係好開心佢地會上勁歌,下星期亦都係飛輪海係香港開演唱會
GOLF & MIKE、棒棒堂、飛輪海都係同一日走,我諗到時一定有有多佢地o既飯係機場
其實講係上黎,我都算係GOLF & MIKE同飛輪海o既飯^^
阿恩岩岩同我講,黃敏已經拉左我落水,話要我落場跳啦啦隊.......吓！！！
我話諗下炸,我都冇答應呀.....
不過都好,啦啦隊有啦啦隊o既衫,一定會靚過件班衫
到時我就著啦啦隊衫,不過我有可能唔跳呀
最近有點煩惱,有好多野都好煩....><
有關係朋友o既問題、啦啦隊o既問題、補課o既問題,呢幾日仲有班衫o既問題
今年可能係我o係學校既最後一年,我都想買班衫
但係件班衫實在太奇怪啦....貼人個樣落去
好奇怪囉,如果貼哂全班人o既樣落去就好D
淨係1個人喎,張相又要好大喎
以我所知有13、14個人都唔買班衫
藍社今年啦啦隊由新阿sir教,個阿sir識得跳舞,跳左舞都應該有幾年
啦啦隊一直都由學生教,今年好唔公平
最近少左好多時間可能用電腦
因為好多時都用左係其他其他
特別係補課佔o既時間最多
今日上ENGo既補課,我差唔多5點先走
我有好多集「Cartoon KAT-TUN」、「終極一家」、「換換愛」同「放羊的星星」未睇呀
天啊！比多D時間我呀！！
今日係我生日,終於都16歲啦！！！嘻嘻
9月生日真係慘.....升左中5先16歲
今日補完第6堂之後
就同紙巾、桂媚一齊去OK買左野飲同麵包頂住肚先
買完就即刻返學校,我們返到去就係操場食
怡姐同滿滿一齊食M記,好sweet
5點半就上去補ENG
到左7點半之走,返到學校
阿媽話我外甥黎左,要去接阿B同姨媽
我同佢一齊去,之後返到上黎就見到台到有KFC
原來阿媽听左KFC,仲買左D蟹比我食
好耐都冇食過蟹啦,蝦蟹係我o既至愛~
不過可惜阿哥同阿爸都唔食蛋糕,如果唔係就可以買個蛋糕啦
今日第1個同我講生日快樂o既係怡姐,今日朝早當值o既時候講
之後係蔣蔣,仲有紙巾啦、蒲蒲、何施茵、馮俊笙
令我估唔到o既馮俊笙會知我生日,原來係怡姐講
多謝大家^^
今日真係一個難忘o既生日,1個要補課補到7點半o既生日呀
今日係假期o既最後一日
哎.....唔想咁快就開學呀
有好多野都冇時間做
