我26號去左大澳,勁好玩
第1日去大澳既有民、蔣蔣、笙、澤熙、蘇眉仲有笙的堂細佬──文傑
11點去M記等,有人遲到...
我地一落到船就見到好多紅樹林,蔣蔣竟然唔知紅樹林係咩,我真係好想知道佢究竟係唔係地球人=口=
之後笙就帶我地去佢屋企放低D野同換衫,再出去玩
笙既屋企係棚屋,好特別
我地周圍行下,民搵到隻蠔話想生食,不過最後都冇食,之後我地去左冰室食野
去到街市就買野食返去,2條魚要$60,好貴呀！！2、3塊雞排要$20
返到去佢地拎左2個單車出黎,2個後面都可以載人
我同蔣蔣首先周圍踩,之後去左買麥芽糖食,因為佢一落船就已經話想食
晚餐由民煮...佢煎左D雞排、煮左D生菜同蒸左魚
廚房冇鐘,佢叫人幫佢睇住D時間蒸魚,不過我地全部人去哂碼頭玩,淨返佢係度煮野食,我地好似好衰咁><
笙有1個3輪車後面有個鐵箱,可以坐3、4個人
好似係由文傑同澤熙踩單車,笙踩3輪車載其他人去,笙超勁,3、4個人坐係後面,速度都唔慢,佢勁好體力
之後返去食野,民煮得都OK
我都係今日先同佢熟左D,原來民係1個好搞笑既人,成日做一D好搞笑同好低B既野
不過佢好鐘意食辣,佢加D辣係生菜到,不過係有D辣,有D就唔辣
辣的蠔油生菜真係好奇怪,食完由我、蔣蔣、蘇眉洗碗,蘇眉開頭洗得太仔細,我係過水,蔣蔣係抹碗
我地叫佢快D,佢今次又洗得太是但,要我地再洗多1次
夜晚就再去碼頭,識左個釣魚既人,之後見到好多魚仔,笙返去拎左個網黎,網左D魚仔,D魚仔走既時候再放番落去
之後我地又踩去南涌,嘩！過南涌條橋勁長,今次過南涌我係坐3輪車,不過3輪車成日都甩鏈,要成日整
今次由民踩,嘩佢上鈄時唔睇人,搞到我撞左去D扶手到,勁痛
之後笙踩番,我都安心D,見到兩個警察,同佢傾左一陣就去左飲野
返到去就沖涼,原來蔣蔣帶左睡衣黎,好奇怪
之後笙同我見到,我地有少少O左咀,笙同蔣蔣講「你著番平時D衫就得」
蔣蔣立即換番衫,哈哈,好好笑,沖完涼就一齊玩...大約3、4點先訓
民就係咁搞文傑...搞到佢好驚,成日都係到叫,之後蘇眉又搞蔣蔣,蔣蔣又叫,好煩呀佢
之後熄左燈,民成日都起身,個姿勢就好似田雞咁,佢成日望住文傑,文傑好驚佢,文傑成日係到叫,佢地好搞笑
第2日起身完就去食早餐,返左去抖左一陣就出去食豆腐花,食完返去D男仔話去搵蠔、蝦,我、蔣蔣同蘇眉係房訓左陣
全部人出去接miss王、miss個女──YY、仲有家賢,返去既時候蔣蔣同家賢係到傾計,咁自己就慢慢行返去啦
開頭蔣蔣同家賢係上面傾計,我係下面見到上面係咁係到震,我上去睇就睇到文傑係上面整緊野
之後同佢地傾左陣計就食飯,食完又去佐碼頭個邊,YY都上左3輪車,今次又係由民踩,我真係有D擔心
之後又去左南涌,家賢同澤熙受左傷,我地去左飲野就返去
返到玩左一陣,有一次killer由民黎做,佢係我右邊,佢捏左我隻手三十幾下,我即刻O左咀
佢叫我點傳呀,我又數唔到幾多下喎,跟住原來佢係另外一邊又傳左好多下,搞到我好無奈又好好笑
之後傾計時,蔣蔣話自己睇到D野,好似撞鬼,笙都話個到真係有D野.....
蔣蔣勁驚就同家賢、笙上左去上面傾,我上左去一陣,比個符蔣蔣,唔知有冇用,不過希望佢安心D啦
我再番落去係下面傾,之後民講番佢F.1、F.2時D野,我聽左真係好無奈,我地5、6點先訓,個時天已經光左
10點幾起身,出去食野,miss王同YY執哂野去食野,準備搭1點幾班船走,我地再行左陣
民拾佐支吉他,佢係到扮低B,佢左帶左個頭巾,成個海盜船長,勁搞笑
送左miss走後,諗住去出去行下,行行下,見唔夠時間就返去執野,佢地4個4個咁車返去執野,留低我同蘇眉
我同蘇眉等左陣就行返去,行到半路民同蔣蔣拎住我地D野踩單車過黎,之後見到家賢同笙
最後我冇時間去買野就上左船啦
呢幾日玩得好開心^^不過我地玩既時候好嘈,嘈到笙的屋企人,麻煩左佢 |
