今日係大日子呀~大到仆街呀
舅父仔~生日快樂~
各位~唔好以為佢好老~
其實佢芳齡先得20歲~
但係我同佢冇任何血緣關係個啵
話說當年~我媽媽有位好朋友就生左個仔~
佢個樣好似我阿媽個細佬~於是我就叫佢舅父仔喇
出到去食飯我先記返起原來佢生日~
sorry~唔記得買禮物給你~
而食飯既時候亦都發生左一件冇厘頭既事
話說當時~我地食飽喇~咁就走喇
咁走之前都要"埋單"架~咁"埋單"都要叫個姐姐黎先得架嘛
咁我阿媽就叫囉喎~『靚女，唔該"埋單"~』
嘩嘩嘩~嚇死我呀~靚女？？佢.....都幾唔知羞個啵
難為我阿媽仲叫得落呀~救命!!*
之後個位"靚女"係我後面兜左個圈~再係我前面出現
行去找錢~於是我就係呢個時候同我阿媽講
『阿媽~你唔係呀~咁都叫靚女呀？？？』
當時我既聲音分貝最多只有50~因為得我阿媽聽到
舅父仔、老豆佢地都聽唔到~
但係俾個位"靚女"聽到呀~佢......好凶咁睥住我
當時我真係震左一震~唔係因為佢睥我而震
而係......佢既樣貌實在令我賞心悅目呀
我怕怕喇~真係唔好彩~俾佢聽到~唉!!*
之後同舅父仔去左西九龍中心~佢幫我增值呀
真係抵錫~之後就返去開臺~
我都唔知點解狂"鋼"我老豆~差唔多每一鋪都有
sorry~我唔想架~
打緊牌個陣D人又狂打電話黎~於是我就"炆"左條線
係咪好型呢？？？1點幾打完~傾電話~3點Zzzz...''