琴日無啦啦玩即興..去OP撞鬼=0=
公家名句:俾錢嚇餐飽!!
真係好嚇人 ...
排隊去OP果條隊嚇人..長到...搵唔到龍尾=0=
好在有良子哥喺度..使出佢o既殺手"揀"-->>打尖
未到目的地果陣勁期待..勁興奮..
首先行果段"不歸路"..可能係天仲未黑曬..仲見到佢地..都接受到驚嚇..
到排隊玩鬼屋..準備入果陣,雖然驚.但我仲係好期待..而公家已經勁震..
而良子哥呢..?都唔知佢係真唔驚定假唔驚..
淨係識嚇公家..一定係扮冷靜..哈哈..
當真係踏足"鐘馗捉鬼"的時候..真係勁驚啊..
真係唔知幾時隔離會彈隻鬼出o黎..
雖然前面果個男o既我唔識.但係都係咁痴住佢背脊..
(佢背脊濕o既..分分鐘仲驚過佢自己GF..哈哈)
行經唔知邊度果陣..無啦啦有隻鬼走埋o黎係咁跟住我同公家..
係咁講:"姐姐..姐姐..等埋我啊...."
真係撞鬼佢..仲要不停吊住我地唔放..係咁跟住..
嚇到我係咁痴埋墻,擰咩面唔敢望佢=0=
不停狂嗌..不停狂奔..
第一次真正體驗到什麼叫聲嘶力竭..
一路以o黎雖然驚.但係我都冇遇到乜意外"驚喜"..
點知..臨近出口果陣俾隻鬼攔住左我..OMD..
都怪我...無啦啦同前面斷左截唔敢衝過去..
隻鬼逼埋o黎我退後.點鬼知果度凹左入去..逼左我埋"角LOCK頭"..T^T
見到公家趁機係咁衝左出去=0=唔理我..
勁驚之下..唔理37 21 禁住隻鬼個肚推開佢..
(禁落去果陣LUM o既..應該係一隻有豬腩肉o既肥鬼.haha..
又或者係一隻未食飯o既餓鬼.. )
幾驚波浪終於玩完..公家果陣個樣極度似虛脫.haha..
排緊隊果d人都係咁望住佢..(唔知佢知唔知呢..)
可能同墻壁過於"親蜜"接觸..
我同公家隻手唔係損左就係腫左-.-"
我地2個都算係誇張 ..
不過都不及條人龍誇..我地岩先排要30分鐘..依家要2個鐘..=0=
玩完呢個以為兒童果邊都仲間鬼屋..點鬼知佢話只係俾小朋友玩-.-"
纜車又係勁誇.要排成個鐘..牽性搭bus過對面..
嘩....多人到..想搵條龍尾排隊都難難難啊..
結果以為排果個什麼"鬼旅逃生"係鬼屋.點知原嚟係滑浪飛船..
O咀..排2個鐘玩一個已經玩過o既..真係喊都冇眼淚..
仲要排排下隊俾人打尖果下先興嘛..
不過結果濕下身都幾好玩..哈哈..良子哥被逼坐前面..玩完變左透視裝.哈哈..爽啊..
玩完呢個已經9點幾..想玩其他鬼屋已經係唔得啦..
排到我地果陣已經收啦..so..只係去行鬼街..
由於天黑..又多人..完全分唔到邊d係人邊d係鬼..
so一邊行一邊都提心吊膽...
公家都得架啦..識玩番我地轉頭..
叫我地望下果度..
我地都知佢原意係望下某個打扮出眾o既女人..
點知一擰轉頭無啦啦有隻鬼喺我地隔離彈出嚟..
良子哥都俾佢嚇親..勁surprise..
再行..點知我自己犯賤招惹隻鬼..佢居然衝向我..
嚇到我we嘩鬼叫係咁嗌係咁衝..仲要撞到人..勁樣衰=.="
最後..死都要拉番隻鬼同我影番張相..
多謝良子哥x100000~!!
溫馨提示:下次去的話.一定要買至尊or買10月1號普通飛..
|
