打工記

同屋企人出荃灣飲茶
個間係三星級HOTEL..但都好靚
始終以後我都要接觸呢D...
就叫媽教我關於酒店既野...帶我周圍走...都學到唔少
晚夜仲跟媽去番散工..佢話想我學多D野
而且佢話如果唔帶我去我就做唔到
因為係要經驗..冇就唔請

今晚咁岩有人擺滿月酒..有8臺...同我學緊既宴會有關..嘻
我真係覺得自己睇少左呢一行..
做起上黎好支力
尤其係托盆個時...隻手好痛
我第一次開工...如果媽唔係身邊...我會成個傻仔咁
見到好多人都對媽好好...因為佢做野真係好快...同埋D新人都係佢帶熟
我都想做到咁
我只負責佢地所講[最簡單]既茶水
D水好重...而且一針唔切就比人鬧
比個大既[提醒]左好多次
出左唔少錯><"
舉個例..
有D人係飲紅酒...我超驚倒左可樂俾佢地
所以次次行埋去都好大聲咁問邊個要紅酒
我一倒就倒成杯...個大既就即刻捉左我去
佢話:呢D係紅酒..唔係可樂牙
想飲死人咩==
搞到我好無奈
我諗住針多D咪唔會咁快飲晒囉
我就唔洗咁快再針..好懶既諗法..呵呵

7點開始做..一個鐘40蚊..都幾多
有成200幾蚊
最好採既係收到1封利是..得我有炸!!
個擺酒既男人同我講要做得好好睇睇..唔好有咩差錯
好意外...
加埋OT..又多左錢
今晚係一個好好既經驗"多謝媽咪

個名牌(唔知點解唔打全名)

好[薯]既樣...@@"

刊登時間：2008-09-12 03:01 PM  [ 編輯日誌 ] [ 分享至FACEBOOK ]