琴晚凌晨1:00，我同鍾雅容一路傾計，就一路咳，
喉嚨真係「恨」到不得了；之後我阿媽就去整ｄ鹹柑加蜜糖
黎沖俾我飲，開頭以為飲左會唔「恨」啦！
結果就係無甘「恨」，但仲係甘狂咳，極到辛苦。

記得琴晚我作左個故仔係由一到十既成語黎講咖：

某日，有對friend，去溜冰，一個識，一個唔識，

A就一曉不通甘去溜冰，溜溜下，就扇底左，B就易(二)不容遲甘

去扶起A。之後A就覺得有B呢個friend真係三生有幸，

可惜B扶唔切A，A就再次四腳朝天甘撻係地下到，B又扶起A，

但A仍然係五體投地甘仆多野，陸陸(六六)續續甘跌左好多次，

最後成個人都激到七曉(唔記得左點寫)生煙，周身傷，好彩附近d交通方便，

d bi bu bi bu黎得好快， 好似八國聯軍既救護員好快甘拎張病床出黎，

B就用佢既九牛二虎之力抱起A係張病床到，同陪佢去左急症室，

好彩，A經過一段休養之後，成個人都好返晒，仲開心可以有個甘十全十美既朋友。

我呢幾曰咳得好辛苦，食左藥，仲係甘。
不過算啦！我捱得落既，只係知個喉嚨「恨恨」，
飲買枇杷膏，覺得好涼，飲買凍水仲爽啊！
一陣又去買書，上次既買書過程，我以家諗起都覺嬲嬲地。
甘俾人昆法，我好想打爆佢呀！死八婆。

返到屋企之後，食完飯，沖買涼，食左枇杷膏......
記得頭先去買書時，我同我阿媽就好似俄羅斯大戰美國甘，
我阿媽問我好多次係未要買呢本書，我就好萌，因為我唔鍾意重複
講多一次，就算講多次，都唔想再有第三次。
之後，佢就話我黑口黑面，無ｄ人情味。
鍾雅容就講 - 唔好甘啦！
甘我真係唔想講多次ｍａ！

買左書，我地就去匯景，再去德田，最後返家。
但我仲好記得，我問鍾雅容，覺得我點，
佢話 - 你講野同笑時，好shine，唔出聲同唔笑時就好cool。簡單d講 - 即係精神病！
我 - 去死啦你！甘講我，雙重性格咋！
佢：係囉！haha........仲係外冷內熱既人添！

佢簡直靚到飛起啊！點解佢可以訓左覺，個樣都仲可以係keep得甘靚咖！
皮膚又係白里透紅喎！真係好想鍚落去呀！
睇其他相，佢個咀好大下咖，但甘樣睇，就唔覺啦！
仲靚左好多添！好掂啊！係我心目中佢同t.A.T.u.既Julia係有得比咖，
當然我就梗係簡 - 愛晒佢地兩個啦！haha.....真係好難簡啊！
只限呢相相入面既佢。
＊＊＊I like you＊＊＊

http://www.alexparksfiles.com/ 

琴晚睇左天賜良緣，覺得d蠔同象拔蚌好正，炸黎食，睇落去，仲正呀！
但唔知點解個主持覺晒。不過是但啦！
我最like食d生蠔、田螺同花蜆，呢一類海產。

今日睇舞台劇vcd，個男人想同個女人有親密既關係，個女人唔制，
男人就講：當一個女人唔肯同個男人有關係，
             就係因為「她」不愛「他」， you isn't(eat神 讀成 eat西) love me.
女人又講：you don't love me先岩喎！
男人講：你理得我要東家要西姐！
個女人就極度無奈。

http://218.87.176.131:81/mu/g/260/6.Wma

琴晚同鍾雅容傾電話時，突然間覺得個胃好痛。

痛到個側左一邊，好痛啊，真係。

之後我就同佢講啦：嘩..........原來胃痛係甘辛苦咖！

佢：係咖，我平時都係甘痛囉！

我：你未好難頂。

佢：吾！我有胃病咖！

我由呢刻開始，覺得鍾雅容真係好勁下；痛左甘耐，

都仲唔去睇醫生，佢簡直係能人所不能啊！梗有人勁過佢既！