|
8月4日
嘩...........今日馬騮著住既個件黑色球衣好核突啊！佢都係著白衫、紫衫好睇d！haha...
好攰啊！返到屋企時，原本係勁想沖完涼去訓既，但坐坐下就無啦！直到差唔多5點幾先去沖！好熱啊！
頭先聽t.A.T.u.既歌時，細佬就問我可唔可以借我個「御用電話」俾佢用，我話唔得，
佢係甘狂用佢d波音功黎轟炸我隻耳，係甘哦，係甘申，煩死我啊！我仍然係唔肯，
佢用完硬功之後，就用軟功啦！
佢講：我今晚唔玩電腦，俾你玩晒啊！
我講：唔得，我都唔自在呢d野！我係未都得用咖啦！
佢話：我用完幫你抹乾淨佢啊！
我講：唔得！
明知我係一個唔受更又唔受軟既人，仲係甘狂問我借俾佢.......不過最後我都係俾左佢，
因為我今晚真係想用電腦，佢用完之後，我就要佢用滴露幫我抹返佢。
我要佢係個講野既位到，足條足條la幫我抹乾淨，聽筒就要抹足3次！
仲有d按鈕啊！哈.....上次用完我電話之後，唔打理好佢啊啦！
今次就要你幫我抹得佢最乾淨為止！不過就算係我自己用都好啦！
我都係會用滴露抹返佢既！都差唔多要抹床lu，上次抹都係月中既事。
8月5日
今日係english camp既最後一日，我地個個朝早時仲係好開心甘上堂！
但到左夜晚就有d唔捨得，因為唔知幾時先再有機會同自己既miss、阿sir見面；
所以有唔少女同學係到同miss攬下，鍚下甘道別，有d係咸住咖！我就一定唔會流眼淚，
因為我最鍾意就係笑。
回想今朝既時候 - 我借summul既id登入去部腦到，我同馬騮係到上網睇自己既日記，
睇完之後係lunch time，我地就去食lunch啦！哎..............今日係最後一日啦！
我地都仍然係好似以往甘去食lunch，食完就玩 cards，但我今次就去左lam king個
班到同佢一齊睇雜誌，最後就係去返自己班房等放學，
我地搞好晒d野後，就放學啦！係6:30分就再去我地既english camp既閉幕禮。
下就時，我同lino king、lam king、ying、lily去左觀塘，原本就係想去淘大既，但最後都係
無去，改去apm。去apm前，lily就返左家，lam king、lino king、同ying就陪我去剪頭髮，
我剪頭髮用左30min，跟住我地就去m記買少少野食，但lam king就唔見左本聖經去，
佢\個心都有d唔開心，因為係miss送俾我地既禮物！不過算啦！
之後我地就返坎去秀蔑坪 - 打排球，可惜我唔識打啊！就喝好係旁邊睇住佢地打，
lino king都係唔多識打，但都有去玩既！我係旁邊講左好多野，佢地係甘笑笑笑......都開心咖！
ying ying 就係公主，淋雨就係王子，佢地真係打得好掂啊！我見無聊就去撩坐係我隔離個細文仔玩啦！
佢得3歲叫 - 子龍！都幾趣緻咖佢！開頭我同佢講：不如我同你玩啊！你一個坐係到甘悶，好無啊？
講完之後，望我幾眼就唔睬我，我就繼續捺多佢幾捺，佢終於肯同我玩啦！haha................
最後我地就係6:25pm返去學校，幾驚趕唔到返學校啊！但最後都準時返到學校。
d同學第一眼見我，就係甘同我講：以..........你jiao左頭啊！我答 - 係啊！
柯s保就講：甘你剪頭髮時， 地有冇懷疑過你既性別啊？哎..真係頂佢唔順啊！但都幾好笑既！
時間過得唔算太快，個個返齊啦！個閉幕禮都開始，嘉賓講完野，就到我地show time，
馬騮仲同我講：呢到都無靚女，你jiao到甘行做物？我就係到諗：最後一日，你由我特別d啦！
因為我平時都唔多會jiao頭既！加上我又唔識jiao啊！
好啦！前個幾班同學表演完，就到我地班同josh個班一齊跳舞，haha............我諗我地跳舞差唔多係
全場比較搞笑既一環，前面都未跳完，就走人，到左我地跳完，我地個排都急急腳甘走人，
之後又好快甘到我地！kiven就講：嘩............又黎！我跳個時係無抬起頭咖！因為覺得好魚，
唔多好意思，我同viola不停係甘狂笑，跳下跳下，就跳完啦！
最最最後，我地就係拎畢業證書，馬騮最好野，stephanie俾左張証明佢啦！佢就高舉張証書大嗌 -
stephanie，i love you！！！haha.......stephanie聽到，都認唔住笑，同攬左佢一野！
到我拎啦！我覺得呢張畢業證書仲型過我小學個張，因為含把冷都係英文黎既！
除左我個中文大名啦！吾....................真正既道別黎啦！個個同學都把握機會同miss、阿sir say bye，
影相，我同佢\4不似，德國貢品、吳嬤嬤︴老佛ye一齊影相同傾計，大家都傾左好耐，
搞到我係差唔多10:00 先返到家，今晚真係慘啊！我要用凍水沖涼，好凍啊！ |
